కేరళ మాజీ మంత్రి కేపీ విశ్వనాథన్ కన్నుమూత‌..

కేరళ మాజీ మంత్రి, కాంగ్రెస్‌ పార్టీకి చెందిన సీనియర్‌ నేత కేపీ విశ్వనాథన్ గ‌త కొంత‌కాలంగా ఆనారోగ్యంతో బాధ‌ప‌డుతూ క‌న్నుమూశారు. విశ్వ‌నాథ‌న్ శుక్ర‌వారం తెల్ల‌వారుజామున కేరళలోని త్రిస్సూర్‌లోగల ఓ ప్రైవేటు ఆసుపత్రిలో మ‌ర‌ణించారు. కేపీ విశ్వ‌నాథ‌న్ వయసు 83 ఏళ్లు. ఆయ‌న మ‌ర‌ణ వార్త తెలుసుకున్న పలువురు రాజకీయ ప్రముఖులు విశ్వనాథన్‌కి సంతాపం ప్ర‌క‌టించారు.

గ‌త కొంత‌కాలంగా ఆనారోగ్యంతో బాధ‌ప‌డ్డారు : విశ్వ‌నాథ‌న్ వృత్తిరీత్యా ఓ న్యాయ‌వాది. 1967 నుండి 1970 వరకు త్రిసూర్ జిల్లా యువజన కాంగ్రెస్ అధ్యక్షుడిగా పనిచేశారు. ఆ త‌ర్వాత 1972 నుండి KPCC క్రియాశీల సభ్యునిగా కూడా ఉన్నారు. ఆయ‌న కాంగ్రెస్ రాజ‌కీయాల్లో ఎంతో చురుకుగా ప‌నిచేసేవారు. 1977, 1980, 1987లో కున్నంకుళం నుంచి అసెంబ్లీ ఎన్నికల్లో విశ్వనాథ‌న్ గెలుపొందారు. 1987, 1991, 1996, 2001లో కొడకరా నియోజకవర్గం నుంచి పోటీచేసి విజ‌య‌ప‌తాకాన్ని ఎగుర‌వేసారు.

1991-1994, 2004-2005 మధ్య అటవీ, వన్యప్రాణుల మంత్రిగా కూడా ఆయ‌న ప‌నిచేయ‌డం జ‌రిగింది. ఆ తర్వాత 2006, 2011 అసెంబ్లీ ఎన్నికల్లో కొడకరా నుంచి పోటీ చేసి సీపీఎం అభ్యర్థి సి రవీంద్రనాథ్‌ చేతిలో ఓడిపోయారు. ఆ తర్వాత నుంచి ఆయన క్రియాశీల రాజకీయాలకు దూరంగా ఉంటున్నారు. గ‌త కొంత‌కాలంగా ఆనారోగ్య స‌మ‌స్య‌ల‌తో బాధ‌ప‌డుతున్న ఆయ‌న తెల్ల‌వారుజామును కేర‌ల‌లోని ఓ ప్ర‌యివేటు ఆసుప‌త్రిలో తుదిశ్వాస విడిచారు. ఆయ‌నకు భార్య, ఇద్ద‌రు పిల్ల‌ల‌లున్నారు. ఆయ‌న మృతికి ప‌లువురు రాజ‌కీయ నాయ‌కులు సంతాపం తెలుపుతున్నారు.

English summary

Former Kerala minister and senior Congress leader KP Viswanathan passed away after suffering from ill health for some time. Viswanathan died in the early hours of Friday at a private hospital in Thrissur, Kerala,