బాయ్ ఫ్రెండ్ పై రివెంజ్ తీర్చుకున్న ప్రేయసి.. ఇలా కూడా ఆలోచిస్తారా?

ఫిబ్రవరి 14 వాలెంటైన్స్ డే రోజున సాధారణంగా లవర్స్ గిఫ్ట్ లు ఇచ్చిపుచ్చుకోవడం చూస్తుంటాం. కానీ ఓ ప్రియురాలు అందుకు కొంచెం భిన్నంగా ఆలోచించింది. తన మాజీ లవర్ పై ప్రతీకారం తీర్చుకోవాలని భావించింది. ఎలా రివెంజ్ తీర్చుకోవాలా..? అని ప్లాన్ వేసింది. చివరకి ఆమెకు ఓ ఐడియా వచ్చింది.

హరియాణాలోని గురుగ్రామ్ కు చెందిన ఆయుషీ రావత్.. తన మాజీ ప్రియుడిపై ప్రతీకారం తీర్చుకోవాలని భావించింది. వాలెంటైన్స్ డే రోజే ఆ రివెంజ్ తీర్చుకోవాలని ప్లాన్ వేసింది. ఈ మేరకు మొబైల్ లో 100 పిజ్జాలు ప్రియుడి ఇంటికి ఆర్డర్ పెట్టింది. క్యాష్ ఆన్ డెలివరీ అని క్లిక్ చేసి ఈ ఆర్డర్ పెట్టింది. మ్యాజిక్ పిన్ అనే యాప్ నుంచి ఈ ఆర్డర్ పెట్టింది ఆయుషీ. దీంతో డెలివరీ బాయ్ ఆ 100 పిజ్జా బాక్సులు ప్రియుడి ఇంటివద్దకు తీసుకువచ్చి డోర్ బెల్ కొట్టాడు. దీంతో మాజీ ప్రియుడి ఫ్యామిలీ అంతా షాక్ కు గురయ్యారు.

ఈ వీడియో ప్రస్తుతం సోషల్ మీడియాలో ట్రెండ్ అవుతోంది. ఇప్పటికే ఈ వీడియోను 20వేల మంది నెటిజన్లు చూశారు. పలువురు కామెంట్స్ చేస్తున్నారు. ఒకరు గుడ్ జాబ్ అని కామెంట్ పెట్టారు. మరొకరు నువ్వు ఇలా ప్రియుడి వద్ద ఎన్ని పిజ్జాలను తిన్నావో..అని కామెంట్ పెట్టారు. ఇంకెందుకు ఆలస్యం మీరు కూడా ఈ వీడియోను చూసేయండి..