Goa Nighclub షాకింగ్ వీడియో ఫుటేజ్..!!

గోవాలో విషాదకర సంఘటన చోటు చేసుకుంది. అర్ధరాత్రి దాటిన తర్వాత ఓ నైట్‌క్లబ్‌లో భారీ అగ్నిప్రమాదం చోటుచేసుకుంది. ఈ దుర్ఘటనలో 23 మంది ప్రాణాలు కోల్పోయారు. సజీవ దహనం అయ్యారు. ఈ ఘటన పట్ల ముఖ్యమంత్రి ప్రమోద్ సావంత్ తీవ్ర దిగ్భ్రాంతిని వ్యక్తం చేశారు. సమగ్ర దర్యాప్తునకు ఆదేశించారు. సమాచారం అందిన వెంటనే ఆయన సంఘటన స్థలానికి చేరుకున్నారు. సిలిండర్ పేలుడు కారణంగా ఈ ప్రమాదం సంభవించినట్లు ప్రాథమికంగా నిర్ధారించారు.

నార్త్ గోవా జిల్లాలోని అర్పోరాలో ఈ దుర్ఘటన సంభవించింది. రాజధాని పనాజీకి సుమారు 25 కిలో మీటర్ల దూరంలో ఉంటుందీ అర్పోరా. ఇక్కడికి పర్యాటకుల తాకిడి అధికం. చలికాలాన్ని ఆస్వాదించడానికి డిసెంబర్ లో పెద్ద సంఖ్యలో పర్యాటకులు ఇక్కడికి చేరుకుంటోన్నారు. ఈ పరిస్థతుల్లో ఇక్కడి 'బిర్చ్ బై రోమియో లేన్' అనే నైట్ క్లబ్ లో వీకెండ్ పార్టీని నిర్వహించారు. పార్టీ జోరుగా సాగుతున్నప్పుడు అగ్నిప్రమాదం సంభవించింది. మంటలు ఎగిసిపడ్డాయి.

తొలుత వంటగదిలో మంటలు చెలరేగాయి. మంటలు చెలరేగడానికి ముందు పేలుడు శబ్దం వినిపించినట్లు ప్రత్యక్ష సాక్షులు వెల్లడించారు. దీంతో ఒక్కసారిగా మంటలు నైట్‌క్లబ్‌ను చుట్టుముట్టాయి. క్షణాల్లో అగ్నికీలలు వ్యాపించాయి. బయటపడటానికి దారి లేకుండా పోయింది. ఈ మంటల బారిన పడి వీకెండ్ పార్టీలో ఉన్న వారిలో 23 మంది సజీవదహనం అయ్యారు. పలువురికి తీవ్ర గాయాలయ్యాయి. అర్పోరా మొత్తం హాహాకారాలతో నిండిపోయింది.

దీన్ని గమనించిన స్థానికులు పోలీసులు, అగ్నిమాపక దళానికి సమాచారం అందించారు. సమాచారం అందిన వెంటనే గోవా పోలీస్ డైరెక్టర్ జనరల్ అలోక్ కుమార్ సహా ఉన్నతాధికారులు సంఘటనా స్థలానికి చేరుకున్నారు. సహాయక చర్యలు చేపట్టారు. రాత్రి 12:04 నిమిషాలకు పోలీసు కంట్రోల్ రూమ్‌కు అగ్నిప్రమాదం సమాచారం అందిందని అలోక్ కుమార్ తెలిపారు. సమాచారం అందిన వెంటనే పోలీసులు, అగ్నిమాపక దళం హుటాహుటిన సంఘటనా స్థలానికి చేరుకున్నాయి. సహాయక చర్యలు చేపట్టాయి.

Massive #fire breaks out at Birch by Romeo Lane in Arpora; initial reports indicate some major casualties. Several fire tenders at the spot, reinforcement from Fire & Emergency Services at headquarters sent #BreakingNews #Goa @Goa_Police @DGP_Goa @spnorthgoa @dip_goa pic.twitter.com/FWhW5GqGSP

— The Goan 🇮🇳 (@thegoanonline) December 6, 2025

ఈ ఘటనకు సంబంధించిన వీడియోలు వెలుగులోకి వచ్చాయి. దట్టమైన పొగ, మంటలు భవనాన్ని పూర్తిగా చుట్టుముట్టడం ఇందులో చూడొచ్చు. రెస్టారెంట్ నుంచి భారీగా మంటలు ఆకాశంలోకి ఎగిసిపడ్డాయి. పొగ పరిసరాలను ఆవరించింది. మంటలను అదుపు చేయడానికి తీవ్రంగా శ్రమించారు. మంటలను ఆర్పివేసిన తర్వాత నైట్ క్లబ్ లోపలికి వెళ్లి చూస్తే.. మొత్తం బుగ్గి అయింది. అక్కడి ఫర్నిచర్, ఇతర వస్తువులన్నీ కూడా బూడిదగా మారాయి. వాటి మధ్య చిక్కుకుపోయిన మృతదేహాలను అగ్నిమాపక సిబ్బంది వెలికి తీశారు.

మృతుల్లో ముగ్గురు మహిళలు, 20 మంది పురుషులు ఉన్నారు. వారిలో కొంతమంది పర్యాటకులు. ఎక్కువ మంది నైట్ క్లబ్ బేస్‌మెంట్‌లో పనిచేసే స్థానిక సిబ్బందే. చాలామంది ఊపిరి ఆడక మరణించారు. మంటలు అంటుకున్న వెంటనే వారు బేస్‌మెంట్ వైపు పరుగెత్తారని, అక్కడి నుంచి బయటపడే మార్గం లేకపోవడంతో ఊపిరి ఆడక చనిపోయినట్లు అగ్నిమాపక సిబ్బంది తెలిపారు. గోవా క్లబ్‌లు, రెస్టారెంట్లన్నింటిలో భద్రతా తనిఖీలు తక్షణమే నిర్వహించాల్సిన అవసరం ఉందని స్థానికులు చెబుతున్నారు.

#WATCH | Goa | Aftermath of the fire that broke out at a restaurant in North Goa’s Arpora, claiming the lives of 23 people. pic.twitter.com/v6qleY5WJX

— ANI (@ANI) December 7, 2025

English summary

Horrific videos of the Goa nightclub have surfaced online, showing the extent of the blaze that killed 25 people and left seven people injured on Saturday night. The deadly explosion took place at a popular night club in Arpora, ‘Birch by Romeo Lane’.