8నెలలుగా ఆమెపై రేప్: యూపీలో బయటపడ్డ మరో కీచక బాబా లీలలు..
సీతాపూర్లో బాబా శీయరామ్ దాస్ అనే బాబా ఓ మహిళపై ఆరు నెలల పాటు అత్యాచారానికి పాల్పడినట్లు తేలింది.
లక్నో: డేరా బాబా, ఫలహారీ బాబా తరహాలో మరో నకిలీ బాబా ఉదంతం వెలుగుచూసింది. ఉత్తరప్రదేశ్ సీతాపూర్లో బాబా శీయరామ్ దాస్ అనే బాబా ఓ యువతి(21)పై ఎనిమిది నెలల పాటు అత్యాచారానికి పాల్పడినట్లు తేలింది.
శీయారామ్ దాస్ మఠంతో పాటు సొంతంగా కాలేజీలు కూడా నిర్వహిస్తున్నాడు. ఆ కాలేజీల్లో చదివే అమ్మాయిలను లైంగికంగా వేధిస్తున్నాడు. ఇదే క్రమంలో తన మేనేజర్ ఇంట్లో పరిచయం అయిన అమ్మాయికి ఉద్యోగం ఇప్పిస్తానని చెప్పి ఆమెను బంధించాడు. అలా ఎనిమిది నెలలుగా ఆమెపై అత్యాచారానికి పాల్పడుతూ వస్తున్నాడు.
బాబా చెర నుంచి తప్పించుకున్న అమ్మాయి.. అక్కడి నుంచి బయటపడటంతో అసలు విషయం వెలుగులోకి వచ్చింది. ఆమె బాబాయి కొడుకు ఆమెను రూ.50వేలకు బాబాకు విక్రయించాడని యువతి పోలీసులతో పేర్కొనడం గమనార్హం. అయితే ఆ దొంగ బాబా మాత్రం తనకేమి తెలియదని బుకాయిస్తున్నాడు.
ఒక్క రోజు క్రితమే ఆ అమ్మాయితో పరిచయం ఏర్పడిందని, తన ఇంట్లో ఉంటానని అడిగితే వద్దని పంపించేశానని బాబా తెలిపాడు. పోలీసులు తనపై తప్పుడు కేసులు పెట్టారని ఆరోపించాడు.
Click it and Unblock the Notifications
Sign in with Google