మెడికల్ గ్రాడ్యుయేట్లకు గుడ్ న్యూస్- ఇక యూఎస్, ఆస్ట్రేలియా, కెనడాల్లోనూ ప్రాక్టీస్ ఛాన్స్..
భారత్ లో వైద్య విద్య అభ్యసిస్తున్న వారికి ఓ శుభవార్త అందింది. తాజాగా జాతీయ మెడికల్ కమిషన్ కు అంతర్జాతీయ వైద్య విద్యా సమాఖ్య నుంచి లభించిన పదేళ్ల గుర్తింపు హోదాతో మన గ్రాడ్యుయేట్లకు విదేశాలకు వెళ్లి ప్రాక్టీస్ చేసుకునేందుకు అవకాశం లభించబోతోంది. ఈ విషయాన్ని కేంద్ర ఆరోగ్య మంత్రిత్వ శాఖ ఇవాళ ప్రకటించింది. తాజా పరిణామాలతో ఇప్పటివరకూ దేశంలోనే ప్రాక్టీస్ కు పరిమితమవుతున్న మన మెడికల్ గ్రాడ్యుయేట్లకు విదేశీ ప్రాక్టీస్ అవకాశం లభించబోతోంది.
జాతీయ మెడికల్ కమిషన్ కు తాజాగా ప్రపంచ వైద్య విద్య సమాఖ్య WFME గుర్తింపు రావడంతో భారతీయ వైద్య గ్రాడ్యుయేట్లు యునైటెడ్ స్టేట్స్, కెనడా, ఆస్ట్రేలియా, న్యూజిలాండ్ వంటి WFME గుర్తింపు అవసరమయ్యే ఇతర దేశాలలో పోస్ట్ గ్రాడ్యుయేట్ శిక్షణ, అభ్యాసాన్ని కొనసాగించడానికి వీలు కలగబోతోందని ఆరోగ్య మంత్రిత్వశాఖ తమ ప్రకటనలో తెలిపింది. ఈ అక్రిడిటేషన్ కింద ప్రస్తుతం ఉన్న 706 వైద్య కళాశాలలు WFME గుర్తింపు పొందాయి. అలాగే రాబోయే 10 సంవత్సరాలలో ఏర్పాటు చేయబోయే కొత్త వైద్య కళాశాలలు ఆటోమేటిగ్గా WFME గుర్తింపు పొందుతాయి.
దీంతో పాటు ప్రపంచవ్యాప్తంగా గుర్తింపు పొందిన ప్రమాణాల కారణంగా అంతర్జాతీయ విద్యార్థులకు భారతదేశం ఆకర్షణీయమైన గమ్యస్థానంగా మారబోతోంది. గ్లోబల్ బెస్ట్ ప్రాక్టీసెస్ , బెంచ్మార్క్లతో భారతదేశంలో వైద్య విద్య నాణ్యత, ప్రమాణాలను పెంచే అధికారాన్ని మెడికల్ కమిషన్ పొందుతుంది. భారతీయ వైద్య పాఠశాలలు, నిపుణుల అంతర్జాతీయ గుర్తింపు, ఖ్యాతిని కూడా ఇది పెంచుతుందని భావిస్తున్నారు.
వరల్డ్ ఫెడరేషన్ ఫర్ మెడికల్ ఎడ్యుకేషన్ (WFME) అనేది ప్రపంచవ్యాప్తంగా వైద్య విద్య నాణ్యతను పెంపొందించడానికి అంకితమైన ప్రపంచ సంస్థ. దీని లక్ష్యం మొత్తం మానవాళికి మెరుగైన ఆరోగ్య సంరక్షణ కోసం ప్రయత్నించడం. వైద్య విద్యలో అత్యున్నత శాస్త్రీయ , నైతిక ప్రమాణాల ప్రచారంతో ప్రపంచవ్యాప్తంగా వైద్య విద్య నాణ్యతను మెరుగుపరచడం WFME ప్రాథమిక లక్ష్యమని కేంద్రం చెబుతోంది. విదేశీ వైద్య విద్యపై విద్యా కమిషన్ (ECFMG) అమెరికాలో ప్రాథమిక సంస్థగా అంతర్జాతీయ వైద్య గ్రాడ్యుయేట్లకు (IMGలు) లైసెన్సు ఇచ్చే విధానాలు, నిబంధనలను పర్యవేక్షిస్తుంది.
Click it and Unblock the Notifications
Sign in with Google