Hemant Soren: జార్ఖండ్ సీఎంగా మళ్లీ హేమంత్ సోరెన్-అసెంబ్లీ ఎన్నికలకు వ్యూహం..!

జార్ఖండ్ ముఖ్యమంత్రిగా మరోసారి హేమంత్ సోరెన్ ప్రమాణస్వీకారం చేశారు. తాజాగా జైలు నుంచి బెయిల్ పై విడుదలైన ఆయన.. గవర్నర్ సమక్షంలో రాజ్ భవన్ లో సీఎంగా ప్రమాణం చేశారు. హేమంత్ పగ్గాలు స్వీకరించేందుకు వీలుగా నిన్న ఆయన బాబాయ్ చంపై సోరెన్ రాజినామా చేయడం, ఆ తర్వాత జేఎంఎం ఎమ్మెల్యేలు శాసనసభాపక్ష నేతగా ఎన్నుకోవడం చకచకా జరిగిపోయాయి. ఈ నేపథ్యంలో ఇవాళ హేమంత్ తండ్రి శిబూసోరెన్ సమక్షంలో సీఎం పగ్గాలు స్వీకరించారు.

భూకుంభకోణం కేసులో చిక్కుకుని జైలు పాలైన హేమంత్ సోరెన్ ను ఈడీ ఈ ఏడాది జనవరిలో అరెస్టు చేసింది. అనంతరం ఆయన్ను రిమాండ్ కు పంపారు. అప్పటి నుంచి జైల్లో ఉన్న హేమంత్ సోరెన్ తాజాగా రెగ్యులర్ బెయిల్ లభించింది. దీంతో ఐదు నెలలుగా ముఖ్యమంత్రిగా కొనసాగిన చంపై సోరెన్ నిన్న తప్పుకున్నారు. దీంతో ఇవాళ హేమంత్ సోరెన్ పగ్గాలు చేపట్టారు. ఈ ఏడాది చివర్లో జార్ఖండ్ అసెంబ్లీ ఎన్నికలు ఉన్నాయి. ఈ నేపథ్యంలో ప్రజల్లో సానుకూల సంకేతాలు పంపేందుకు వీలుగా ఆయన సీఎం పదవి చేపట్టినట్లు తెలుస్తోంది.

VIDEO | JMM executive president Hemant Soren (@HemantSorenJMM) takes oath as Jharkhand CM at Raj Bhavan in Ranchi. pic.twitter.com/pEYu9pbqHR

— Press Trust of India (@PTI_News) July 4, 2024

ప్రస్తుతం జార్ఖండ్ అసెంబ్లీలో జేఏఎం, కాంగ్రెస్, కమ్యూనిస్టులతో కూడిన సంకీర్ణ ప్రభుత్వానికి తగినంత బలం ఉంది. ఈ కూటమిని చీల్చేందుకు గతంలో బీజేపీ ప్రయత్నాలు చేసినా ఫలించలేదు. దీంతో హేమంత్ సోరెన్ ను జైలుకు పంపింది. అయినా చంపై సోరెన్ రూపంలో ఆయనకు ప్రత్యామ్నాయం లభించింది తప్ప ప్రభుత్వ మనుగడకు ఢోకా లేకుండా పోయింది. ఇప్పుడు హేమంత్ తిరిగి జైలు నుంచి వచ్చి సీఎం పగ్గాలు చేపట్టారు.

English summary

Hemant Soren sworn-in as Jharkhand chief minister again ahead of assembly polls this year