IT Returns: ఐటీ రిటర్న్ ల దాఖలుకు తేదీ పొడిగిస్తున్నారా ? కేంద్రం క్లారిటీ..!

2023-24 ఆర్దిక సంవత్సరానికి ఆదాయపు పన్ను రిటర్న్ ల దాఖలుకు కేంద్రం జూలై 31 వరకూ గడువు ఇచ్చింది. కానీ సర్వర్ సమస్యల కారణంగా రిటర్న్ ల పైలింగ్ అంతకంతకూ ఆలస్యమవుతోంది. దీంతో రిటర్న్ లు ఫైల్ చేసే వాళ్లు గగ్గోలు పెడుతున్నారు. కేంద్రం రిటర్న్ ల ఫైలింగ్ గడువు పెంచాలని కోరుతున్నారు. ఈ నేపథ్యంలో కేంద్రం కూడా దీనిపై సానుకూలంగా స్పందించి జూలై 31 దాటిన తర్వాత కూడా రిటర్న్ ల ఫైలింగ్ కు అనుమతిస్తుందని వార్తలు వస్తున్నాయి.

దీనిపై ఆదాయపు పన్ను శాఖ ఇవాళ స్పష్టత ఇచ్చింది. 2023-24 ఆర్ధిక సంవత్సరానికి రిటర్న్ ల ఫైలింగ్ కోసం తాము ఇప్పటికే ఇచ్చిన గడువు తేదీ జూలై 31కి ఎట్టి పరిస్ధితుల్లోనూ పొడిగింపు ఇచ్చేది లేదని తేల్చేసింది. కాబట్టి ఆదాయపు పన్ను చెల్లింపు దారులు సకాలంలో రిటర్న్ లు ఫైల్ చేయాలని సూచించింది. రిటర్న్ ల ఫైలింగ్ కోసం చివరి నిమిషం వరకూ వేచి చూడవద్దని కోరుతోంది. జూలై 26 నాటికి దేశంలో 5 కోట్ల రిటర్న్ లు పైల్ అయినట్లు కూడా వెల్లడించింది.

We express our gratitude to the taxpayers & tax professionals for helping us reach the milestone of 5 crore Income Tax Returns (ITRs).

Over 5 crore ITRs for AY 2024-25 have already been filed till 26th of July this year as compared to 27th of July last year.

We urge all those… pic.twitter.com/PNPnRQdf44

— Income Tax India (@IncomeTaxIndia) July 26, 2024

దేశవ్యాప్తంగా చాలా మంది పన్ను చెల్లింపుదారులు, చార్టర్డ్ అకౌంటెంట్లు ఐటీ ఫైలింగ్ పోర్టల్‌తో సమస్యలను ప్రస్తావిస్తున్న నేపథ్యంలో ఐటీశాఖ ఈ ప్రకటన చేసింది. వీరు ప్రస్తావిస్తున్న ఐటీ రిటర్న్ ఫైలింగ్ సమస్యలలో ఓటీపీలు జనరేట్ చేయడంలో లోపాలు, రాయితీలను క్లెయిమ్ చేయడంలో ఇబ్బందులు ఉన్నట్లు చెప్తున్నారు. అయితే ఐటీ శాఖ మాత్రం జూలై 31 తర్వాత రిటర్న్ ల ఫైలింగ్ కు గడువు పొడిగింపు ఉండబోదని, ఆ తర్వాత చెల్లించావారికి పెనాల్టీలు తప్పవని స్పష్టం చేస్తోంది. దీంతో ఇప్పటివరకూ రిటర్న్ లు ఫైల్ చేయని వారు ఎవరైనా ఉంటే రేపటి లోగా చేయాల్సి ఉంటుంది.