Post Office RD: నెలకు రూ.10 వేల పెట్టుబడితో ఐదేళ్లలో లక్షల రాబడి..!

కచ్చితమై హామీతో కూడిన పెట్టుబడి పథకాల్లో పోస్టాఫీసు రికరింగ్ డిపాజిట్ (RD), లేదా నేషనల్ సేవింగ్స్ రికరింగ్ డిపాజిట్ ఖాతా (RD) పథకం ఒకటి. పెట్టుబడిదారులు నెలవారీ ప్రాతిపదికన డిపాజిట్ చేయవచ్చు. 5 సంవత్సరాల తర్వాత మెచ్యూరిటీ మొత్తాన్ని పొందవచ్చు. ప్రస్తుతం ఈ పథకంలో 6.7 శాతం వార్షిక వడ్డీని లభిస్తోంది. కనీసం నెలకు రూ. 100 ఈ పథకంలో పెట్టుబడి పెట్టొచ్చు. ఈ పోస్టాఫీసు పథకంలో డిపాజిట్ చేయడానికి గరిష్ట పరిమితి లేదు.

పెట్టుబడిదారులు వారి అవసరాలకు అనుగుణంగా సింగిల్ లేదా ఉమ్మడి ఖాతాను తెరవవచ్చు. మీరు దీన్ని మీ పిల్లల కోసం పెట్టుబడి పెట్టాలనుకుంటే, మైనర్ తరపున గార్డియన్‌గా ఖాతా తెరవచ్చు. 10 సంవత్సరాల కంటే ఎక్కువ వయస్సు ఉన్న మైనర్ వారి స్వంత పేరు మీద పోస్టాఫీసు RD ఖాతాను తెరవవచ్చు.
పెట్టుబడిదారులు పోస్టాఫీసు RDపై రుణం తీసుకోవచ్చు. పెట్టబడి పెట్టిన 1 సంవత్సరం పాటు పెట్టబడి పెట్టిన తర్వాత పెట్టుబడి పెట్టిన మొత్తంలో 50 శాతం వరకు రుణ సౌకర్యాన్ని పొందవచ్చు.

పోస్ట్ ఆఫీస్ RD మెచ్యూరిటీ వ్యవధి 5 ​​సంవత్సరాలు, కానీ పెట్టుబడిదారులు దానిని మరో 5 సంవత్సరాలు పొడిగించవచ్చు. మెచ్యూరిటీ 5 సంవత్సరాలు ఇన్నప్పటికీ.. ప్రారంభించిన తేదీ నుంచి 3 సంవత్సరాల తర్వాత ఖాతాను మూసివేయవచ్చు. మీరు ఈ పథకంలో నెలవారీగా రూ. 10,000 పొదుపు చేస్తే.. 5 సంవత్సరాలలో మొత్తం పెట్టుబడి రూ. 600,000 పెట్టబడి పెడతారు. వడ్డీ రూ. 1,13,659 వచ్చే అవకాశం ఉంది. మెచ్యూరిటీ మొత్తం రూ. 7,13,659 వస్తుంది.

నెలకు రూ. 20,000 పొదుపు చేస్తే మొత్తం పెట్టుబడి రూ. 12 లక్షలు అవుతుంది. వడ్డీ రూ. 2,27,315 వచ్చే అవకాశం ఉంది. మెచ్యూరిటీ మొత్తం రూ. 14,27,315 వస్తుంది. నెలకు రూ. 30,000 నెలవారీ పెట్టుబడి పెడితే మొత్తం పెట్టుబడి రూ. 18 లక్షలు అవుతుంది. వడ్డీ రూ. 3,40,974 అనుకుంటే మెచ్యూరిటీ మొత్తం రూ. 21,40,974 వస్తుంది.

English summary

Recurring Deposit Scheme is one of the post office schemes. If you invest in it, there will be a definite return.