Jailer: జైలర్ సినిమా నిర్మాత గొప్ప మనస్సు.. పేద పిల్లల గుండె ఆపరేషన్లకు రూ.కోటి సాయం..

సూపర్‌ స్టార్‌ రజనీకాంత్‌ జైలర్ సినిమా వసూళ్లలో దూసుకెళ్తోంది. ఆగస్ట్ 10న విడుదలైన ఈ మూవీ నెల రోజులు కాకముందే ప్రపంచవ్యాప్తంగా రూ.700 కోట్ల వరకు గ్రాస్ వసూళ్లు చేసింది. దీన్ని బట్టి చెప్పొచ్చు సినిమా ఏ స్థాయిలో విజయం సాధించిందో. రజనీకాంత్ చాలా కాలం తర్వాత ఈ పెద్ద హిట్ లభిచింది. ముఖ్యం తమిళంలో ఈ మధ్య కాలం ఇంత పెద్ద హిట్ ఏ సినిమా కూడా కాలేదు. ఇటు తెలుగులో కూడా ఈ స్థాయి విజయం సాధించిన సినిమాలు లేవు. ఈ సినిమా సినీ నిర్మాత భారీగా డబ్బు సంపాదించారు.

జైలర్ సినిమాను సన్ పిక్చర్స్ తెరకెక్కించింది. అయితే చిత్రం ఈ స్థాయిలో విజయం సాధిస్తుందని నిర్మాణ సంస్థ కూడా అనుకోలేదు. దీంతో ఈ సినిమా నిర్మాత కళానిధి మారన్ చాలా సంతోషంగా ఉన్నారు. ఇప్పటికే తనకొచ్చిన లాభాల్లో కొంత భాగాన్ని హీరో రజనీకాంత్, దర్శకుడు నెల్సన్ దిలీప్ కుమార్, మ్యూజిక్ డైరక్టర్ అనిరుధ్ కు ఇచ్చారు. లాభాల్లో వాటానే కాదు ఖరీదైన కార్లను బహుమతిగా ఇచ్చాడు. కళానిధి మారన్ లాభాల్లో కొంత మేర సామాజిక సేవలకు అందివ్వాలని నిర్ణయించుకున్నాడు.

అందులో భాగంగా 100 మంది నిరుపేద పిల్లలకు గుండె శస్త్ర చికిత్స కోసం కోటి రూపాయల చెక్ ను అపోలో ఆస్పత్రికి అందించారు. సన్ పిక్చర్స్ తరఫున నిర్మాత కళానిధఇ మారన్ కావేరి ఈ చెక్ అందజేశారు. మంగళవారం అపోలో ఆస్పత్రుల ఛైర్మన్ డాక్టర్ ప్రతాప్ చంద్రరెడ్డికి కావేరి రూ.కోటి చెక్ అందజేశారు. ఇందుకు సంబంధించిన ఫొటోను సన్ పిక్చర్స్ ఎక్స్(ట్విట్టర్)లో పోస్ట్ చేసింది. కాగం సన్ పిక్చర్స్ తీసుకున్న నిర్ణయం పై నెటిజన్లు ప్రశంసలు కురిపిస్తున్నారు. ముఖ్యంగా రజనీ ఫ్యాన్స్ దీన్ని గొప్ప విషయంగా కొనియాడుతున్నారు.

సన్ పిక్చర్స్ చేసింది గొప్ప పని అంటూ పొగడుతున్నారు. ఇలా ప్రతి ఒక్క నిర్మాత తనకొచ్చిన లాభాల్లో కొంత మేర పేద ప్రజలకు సాయం చేస్తే బాగుంటుందని పలువురు నెటిజన్లు అభిప్రాపయపడుతున్నారు. జైలర్ మూవీ ఓవర్సీస్ లో 192.45 కోట్ల రేంజ్ లో గ్రాస్ ను సొంతం చేసుకున్న విషయం తెలిసిందే. జైలర్ తో పాటు బాలీవుడ్ మూవీ గదర్ 2 భారీగా వసూళ్లు రాబట్టింది. జైలర్, గదర్ 2 రెండు కలిపి 1263 కోట్ల గ్రాస్ ను వసూళ్లు చేశాయి.

On behalf of Sun Pictures, Mrs. Kavery Kalanithi handed over a cheque for Rs.1 Crore to Dr. Prathap Reddy, Chairman, Apollo Hospitals, towards heart surgery for 100 under privileged children.
#Jailer #JailerSuccessCelebrations pic.twitter.com/o5mgDe1IWU

— Sun Pictures (@sunpictures) September 5, 2023

English summary

Superstar Rajinikanth's film Jailer is soaring in collections. Released on August 10, the movie grossed up to Rs.700 crore worldwide within a month.