సహనం కోల్పోయిన సీఎం.. సెల్ఫీ కోసం వెళ్తే... (వీడియో)
కర్నాల్ : కాంట్రవర్షియల్ కామెంట్లకు కేరాఫ్ అడ్రస్ ఎవరంటే ముందుగా గుర్తొచ్చే పేరు హర్యానా సీఎం మనోహర్ లాల్ ఖట్టర్. సాయం కోసం వస్తే తిట్ల దండకం చదివినా.. ప్రశ్నించిన వారికి వార్నింగ్లు ఇచ్చినా అది ఆయనకే చెల్లింది. వివాదాస్పద వ్యాఖ్యలతో తరుచూ వార్తల్లో ఉండే ఆయన..తాజాగా దురుసు ప్రవర్తనతో మీడియాలో హైలైట్ అయ్యాడు. సెల్ఫీ తీసుకునేందుకు వచ్చిన యువకుడి సెల్ఫోన్ లాక్కుని పడేసే ప్రయత్నం చేశాడు.
కర్నాల్లో ఓ కార్యక్రమానికి హాజరైన ఖట్టర్ వేదికపైకి వెళ్తుండగా ఒక యువకుడు ఆయన ఆశీర్వాదం తీసుకున్నాడు. అనంతరం ముఖ్యమంత్రితో కలిసి సెల్ఫీ తీసుకునే ప్రయత్నం చేశాడు. దీంతో ఆగ్రహానికి లోనైన ఖట్టర్ ఆ యువకుడి సెల్ఫోన్ లాక్కుని విసిరేసే ప్రయత్నం చేశాడు. అది సాధ్యం కాకపోవడంతో ఆ యువకుడిని పక్కకు నెట్టేశాడు. ఈ ఘటనకు సంబంధించిన వీడియో సోషల్ మీడియాలో వైరల్గా మారింది.
హర్యానా సీఎం మనోహర్ లాల్ ఖట్టర్ వార్తల్లో నిలవడం ఇదే తొలిసారి కాదు. ఈ ఏడాది ఫిబ్రవరిలో ఓ వృద్ధ దంపతులు సాయం కోసం సీఎం కార్యాలయానికి వచ్చారు. కొంతమంది తమను మోసం చేసి రూ.19 లక్షలు కాజేశారని ఖట్టర్తో చెప్పారు. దీంతో సీఎం వారిని ఇష్టం వచ్చినట్లు దూషించి పంపేశాడు. ఈ ఘటన అప్పట్లో సంచలనం సృష్టించింది.
#WATCH Haryana CM Manohar Lal Khattar pushes aside a man who tries to take a selfie with him, at an event in Karnal. pic.twitter.com/HZK10VWWQy
— ANI (@ANI) June 6, 2019
గతేడాది సైతం ఖట్టర్ జర్నలిస్టుతో ఇలాగే ప్రవర్తించారు. గ్రీవెన్స్ సెల్లో సమస్యల పరిష్కారంపై జరుగుతున్న జాప్యంపై ఓ విలేఖరి ప్రశ్నించగా.. సీఎం ఆయనను నోటికొచ్చినట్లు తిట్టారు. ప్రభుత్వంపై వేలెత్తి చూపడం మీడియా పనికాదని క్లాస్ పీకారు. హద్దుల్లో ఉండకపోతే ఇబ్బందులు తప్పవని హెచ్చరించారు. దీనిపై మీడియాతో పాటు ప్రతిపక్షాల నుంచి వ్యతిరేకత రావడంతో క్షమాపణలు చెప్పారు.
Click it and Unblock the Notifications
Sign in with Google