Girlfriend: యజమాని కూతురితో లవ్ స్టోరీ, నా ఆత్మహత్యలకు వాళ్లే కారణం అని వీడియో తీసి విషం తాగి !

పోలీసులు పదేపదే ఫోన్లు చేస్తుండటంతో భయపడిన ప్రియుడు నా ఆత్మహత్యకు పోలీసులు, నా ప్రియురాలి తల్లిదండ్రులు కారణం అని వీడియో తీసి సోషల్ మీడియాలో పోస్టు చేసి విషం తాగేశాడు.

బెంగళూరు/ఆనేకల్: యజమాని కూతుర్ని ఓ యువకుడు ప్రేమించాడు. కొంతకాలం ఇద్దరూ టచ్ లో ఉన్నారు. కూతురి లవ్ మ్యాటర్ ఆమె తండ్రికి తెలిసిపోయింది. నా దగ్గర పని చేస్తూ నా కూతురినే ప్రేమిస్తావా రా అంటూ యజమాని ఆ యువకుడిని తన్ని తరిమేశాడు. పని నిలిపేసినా ఆ యువకుడు ప్రియురాలితో మాట్లాడుతున్నాడు. అమ్మాయి తండ్రి కేసు పెట్టడంతో పోలీసులు ఆ యకువకుడికి ఫోన్ చేసి పోలీస్ స్టేషన్ కు రావాలని చెప్పారు. పోలీసులు పదేపదే ఫోన్ లు చేస్తుండటంతో భయపడిన ప్రియుడు నా ఆత్మహత్యకు పోలీసులు, నా ప్రియురాలి తల్లిదండ్రులు కారణం అని వీడియో తీసి సోషల్ మీడియాలో పోస్టు చేసి విషం తాగేశాడు.

డ్రైవర్, మటన్ షాపులో పని

బెంగళూరు గ్రామీణ జిల్లాలోని ఆనేకల్‌ తాలూకాలోని సర్జాపూర్‌ సమీపంలోని మొగలూరులోని భోవిపాళ్యలో సురేష్‌ అనే యువకుడు నివాసం ఉంటున్నాడు. వృత్తిరీత్యా డ్రైవర్‌గా పని చేస్తున్న సురేష్ కాడుగోడిలోని ఓ మటన్ షాపులో పనిచేస్తున్నాడు. సురేష్ సర్జాపూర్‌లో అద్దెకు ఇల్లు తీసుకుని అతని కుటుంబం సభ్యులతో కలిసి నివాసం ఉంటున్నాడు. కాడుగోడి సమీపంలోని సీగేహళ్లి జోగి కాలనీలో నివాసం ఉంటున్న యువతిని ప్రేమించిన సురేష్ ఆమెతో ప్రేమాయణం సాగిస్తున్నాడు.

నా ఆత్మహత్యకు వాళ్లే కారణం

యువతి తల్లిదండ్రులకు సురేష్ ప్రేమ విషయం తెలియడంతో కాడుగోడి పోలీసులకు ప్రియుడు సురేష్ మీద ఫిర్యాదు చేశారు. గత వారం రోజులుగా పోలీసులు ఫోన్ చేసి స్టేషన్ కు రమ్మని సురేష్ కు చెబుతున్నారు. దీంతో భయాందోళనకు గురైన సురేష్ సర్జాపూర్‌లోని అతని ఇంటి సమీపంలో వీడియో తీసి ఆత్మహత్యాయత్నానికి ప్రయత్నించాడు. పోలీసులు కాడుగోడి పోలీస్ స్టేషన్‌కు రావాలని, లేదంటే తనపై అత్యాచారం కేసుతో పాటు ఇతర కేసులు పెడతానని బెదిరిస్తున్నారని సురేష్ ఆరోపించాడు. నా చావుకు కాడుగోడి పోలీసులు, యువతి తల్లిదండ్రులు, మరో యువతి కారణమంటూ వీడియో తీసి ఇన్‌స్టాగ్రామ్‌లో పోస్ట్‌ చేసిన సురేష్ ఆత్మహత్యకు ప్రయత్నించాడు.

విషం తాగి, బీర్ బాటిల్ తో ?

ఎలుకల ముందు తాగేసిన సురేష్ ఆత్మహత్యాయత్నానికి ప్రయత్నించడమే కాకుండా బీరు బాటిల్‌తో తలకు పగలకొట్టుకుని చేయి కోసుకుని అస్వస్థతకు గురై అక్కడే కుప్పకూలిపోయాడు. సురేష్‌ను వెంటనే సర్జాపూర్‌లోని ఓ ప్రైవేట్ ఆస్పత్రికి తరలించి చికిత్స అందించారు. ఆత్మహత్యకు యత్నించిన సురేష్ పదహారేళ్ల బాలికను ప్రేమిస్తున్నాడని పోలీసులు అన్నారు. ప్రియురాలి తండ్రి మటన్ దుకాణంలో పనిచేస్తున్న సురేష్ అమ్మాయిని వలలో వేసుకున్నాడని మైనర్ అమ్మాయి కుటుంబ సభ్యులు ఆరోపిస్తున్నారు.

తన్ని తరిమేసిన యజమాని

ఇటీవల యజమాని కూతురితో సురేష్ కు పరిచయం ఏర్పడింది. తాను మైనర్ అని ఆ అమ్మాయి ఆమె వయసు గురించి సురేష్‌కి చెప్పింది. కానీ సురేష్ తన కూతురికి ఫోన్ చేస్తూనే ఉన్నాడు. దీంతో తల్లిదండ్రులు సురేష్‌పై కాడుగోడి పోలీస్‌స్టేషన్‌లో తమ కుమార్తెను ఇబ్బంది పెట్టారని ఫిర్యాదు చేశారని పోలీసులు అన్నారు. కాడుగోడి పోలీసులు విచారణ నిమిత్తం స్టేషన్‌కు రావాల్సిందిగా పిలిపించారని, ఇంతలో సురేష్ ఆత్మహత్యకు యత్నించాడని సమాచారం అందిందని అతని కుటుంబ సభ్యులు సర్జాపూర్ పోలీసులు ఫిర్యాదు చేశారు.

కేసులు విచారణలో ఉన్నాయి

సురేష్ మీద అమ్మాయి తల్లిదండ్రులు కేసు పెట్టారని, అమ్మాయి తల్లిదండ్రులు, పోలీసుల మీద ఆరోపణలు చేస్తూ సురేష్ ఆత్మహత్యాయత్నం చెయ్యడంతో సర్జాపూర్ పోలీస్ స్టేషన్ లో కేసు నమోదు అయ్యిందిని, కేసులు తదుపరి విచారణ కొనసాగిస్తామని వైట్‌ఫీల్డ్ డివిజన్ డీసీపీ గిరీష్ మీడియాకు చెప్పారు. 16 ఏళ్ల అమ్మాయిని సురేష్ ప్రేమిస్తున్నాడని ఆ అమ్మాయి తల్లిదండ్రులు అభ్యంతరం వ్యక్తం చేసి పోలీసులకు ఫిర్యాదు చేయడంతో సురేష్ విషం తాగి ఆత్మహత్యకు ప్రయత్నించాడు.

English summary

The love story of the owner's daughter, the family of the girl who filed the case, the boyfriend who made a video and poisoned me saying that they are the reason for my suicide.