సాహసమే! సిలిండర్‌పై కూర్చుని కాళ్లతో బైక్ నడిపిన వృద్ధుడు(వీడియో)

ఏకంగా బైక్‌పై సిలిండర్ పెట్టి దానిపై కూర్చుని కాళ్లతో హైవేపై బైక్ నడిపాడు ఓ వృద్ధుడు. ఈ ఘటన రాజస్థాన్‌లో చోటు చేసుకుంది.

జైపూర్: సాధారణంగా యువకులు బైక్‌తో విన్యాసాలు చేస్తున్నారంటే ఆశ్చర్యపడాల్సిన అవసరమేమీ ఉండదు.. కానీ ఓ వృద్ధుడు చేస్తున్నాడంటే సాహసమనే చెప్పాలి. ఏకంగా బైక్‌పై సిలిండర్ పెట్టి దానిపై కూర్చుని కాళ్లతో హైవేపై బైక్ నడిపాడు ఈ వృద్ధుడు. ఈ ఘటన రాజస్థాన్‌లో చోటు చేసుకుంది.

రాజస్థాన్‌కు చెందిన ఈ వృద్ధుడు చేస్తున్న విన్యాసాన్ని పలువరు వాహనాల్లో వెళుతున్న వారు వీడియో తీశారు. ఆ తర్వాత వీడియోలను సోషల్ మీడియాలో పోస్ట్ చేశారు. దీంతో ఆ వీడియో కాస్తా వైరల్‌గా మారింది.

He'll never run out of gas. pic.twitter.com/nbSYZh6c4P

— kaveri (@ikaveri) July 11, 2017

కాగా, కొందరు ఈ వృద్ధుడి సాహసాన్ని కొందరు నెటిజన్లు పొగుడుతుండగా, ఈ వయస్సులో ఇలా చేయడమేంటని పలువురు మండిపడుతున్నారు. పట్టుజారితే ప్రాణాలే పోతాయంటూ ఆగ్రహం వ్యక్తం చేస్తున్నారు.

ఇలాంటి సాహసాలు ఎవరూ చేయవద్దని, చేస్తున్నవారితోపాటు ఇతరులకు కూడా ప్రమాదమేనని పలువురు హెచ్చరిస్తున్నారు. మరికొందరైతే చిలిపిగా స్పందిస్తూ.. అతడు సిలిండర్లో గ్యాస్ నింపుతున్నాడంటూ వ్యాఖ్యానిస్తున్నారు. ఈ వీడియో ఎప్పుడు తీశారో ఏమోగానీ, ఆ ముసలోడు మాత్రం బాగా పాపులర్ అయ్యాడు.

English summary

Wearing a dhoti and turban, the old man is speeding on a busy highway while sitting on a gas cylinder tied to his motorbike.