దారుణం: కాలేజీకి వెళ్తొంటే కారులో తీసుకెళ్ళి గ్యాంగ్రేప్
కాలేజీకి వెళ్తున్న ఓ మహిళను బలవంతంగా కారులో తీసుకెళ్ళి గ్యాంగ్రేప్కు పాల్పడ్డారు. కదులుతున్న వాహనం నుండి ఆమెను కిందికి తోసివేశారు. ఈ ఘటన ముంబైలో చోటుచేసుకొంది.
ముంబై: కాలేజీకి వెళ్తున్న ఓ మహిళను బలవంతంగా కారులో తీసుకెళ్ళి గ్యాంగ్రేప్కు పాల్పడ్డారు. కదులుతున్న వాహనం నుండి ఆమెను కిందికి తోసివేశారు. ఈ ఘటన ముంబైలో చోటుచేసుకొంది.
ముంబై సుబర్స్లోని చార్కోప్ ప్రాంతంలోని ఓ కాలేజీకి 20 ఏళ్ళ మహిళ వెళ్తుండగా ఆమెకు దగ్గరగా ఒక మినీ వ్యాన్ వచ్చింది. కదులుతున్న వ్యాన్ డోర్ ఓపెన్ చేసి ఆమెను వ్యాన్లోపలికి బలవంతంగా ఎక్కించారు.
ఆ వెంటనే ముంబైకి సమీపంలోని మాధ్ ఐలాండ్ వైపుకు తీసుకెళ్ళి సామూహిక అత్యాచారానికి పాల్పడ్డారు. అయితే బాధితురాలు తాను వారి వాహనం నెంబర్ గుర్తుపెట్టుకొని పోలీసులకు ఫిర్యాదుచేసింది.
అయితే పోలీసులు విచారించగా ఆ నెంబర్ తప్పుడు నెంబర్గా తేలింది. సీసీటివి పుటేజీని పరిశీలిస్తున్నారు. పోలీసులను తప్పుదారి పట్టించేందుకు ఓ నలుగురు వ్యక్తులు తాము ఉపయోగించిన వాహనానికి తప్పుడు నెంబర్ ప్లేట్ అమర్చి ఈ పనిచేసే ఉంటారని పోలీసులు భావిస్తున్నారు. ఈ కేసును చాలా తీవ్రంగా పరిగణించి దర్యాప్తు ప్రారంభించారు.