పుదుచ్చేరిలో ఎన్డీఏ హవా: సీఎంగా రంగస్వామి..? టైమ్స్ నో సర్వే ఇదీ

పుదుచ్చేరిలో కమల వికాసం అని టైమ్స్ నో సర్వే తెలిపింది. ఎన్డీఏ కూటమికి స్పష్టమైన మెజార్టీ వస్తుందని తెలియజేసింది. పుదుచ్చేరి కేంద్రపాలిత ప్రాంతంలో 30 అసెంబ్లీ సీట్లు ఉన్నాయి. ఇక్కడ బీజేపీ, ఆల్ ఇండియా ఎన్ఆర్ కాంగ్రెస్, అన్నాడీఎంకే కలిసి స్పష్టమైన మెజార్టీ సాదిస్తోందని టైమ్స్ నో సీ ఓటర్ ఓపినీయన్ పోల్ తెలిపింది. 21 సీట్లలో స్పష్టమైన మెజార్టీ వస్తుందని పేర్కొన్నది. ఇక్కడ ఏప్రిల్ 6వ తేదీన పోలింగ్ జరగనున్న సంగతి తెలిసిందే.

ఎన్డీఏ కూటమికి 19 నుంచి 23 సీట్లు గెలుచుకుంటుందని సర్వే తెలిపింది. యూపీఏ కూటమి 9 సీట్ల వరకు గెలుచుకుంటుందని అంచనా వేసింది. కాంగ్రెస్, డీఎంకే కలిసి 7 నుంచి 11 సీట్లు గెలుస్తుందని వివరించింది. ఇక్కడ 1265 మంది అభిప్రాయం సేకరించామని పేర్కొన్నది. అయితే ఇండిపెండెంట్లు సింగిల్ సీటు కూడా గెలవరని తెలియజేసింది.

ఎన్డీఏ కూటమికి 47.2 శాతం ఓట్లు వస్తాయని అంచనా వేసింది. 2016లో ఇదీ 16.7 శాతంగా ఉంది. అప్పుడు యూపీఏ కూటమి 39.5 శాతం ఓట్లు సాధించి అధికారం చేపట్టింది. ఇవాళ ఎన్నిక జరిగితే యూపీఏకు 39.5 శాతం ఓట్లు, ఎన్డీఏకు 47.2 శాతం.. ఇతరులు 13.3 శాతం ఓట్లను సాధిస్తారు. సీఎం అభ్యర్థి ఎవరిని అడగగా ఎన్ రంగస్వామికి 49.8 శాతం అనుకూలంగా ఉన్నారు.

మాజీ సీఎం నారాయణ స్వామి 20 శాతం మాత్రమే సపోర్ట్ చేశారు. కేంద్ర ప్రభుత్వ పాలనపై 38.6 శాతం మంది శాటిస్‌పైగా లేమని చెప్పారు. 32.7 శాతం మంది మాత్రం కాస్త అనుకూలంగా.. 20.35 శాతం మంది సంతృప్తిని వ్యక్తం చేశారు.

English summary

National Democratic Alliance will sweep the Puducherry Legislative Assembly Election 2021, as per the Puducherry Opinion Poll 2021 conducted by Times Now.