ఫ్యాబ్ ఫోర్: సచిన్ ఆత్మకథ విడుదల ఇలా (పిక్చర్స్ )

By Pratap

Updated: Thursday, November 6, 2014, 15:31 [IST]

ముంబై: భారత క్రికెట్ ఫ్యాబ్ ఫోర్ సచిన్ టెండూల్కర్, రాహుల్ ద్రావిడ్, సౌరవ్ గంగూలీ, వివియస్ లక్ష్మణ్ బుధవారం సాయంత్రం ఒకే వేదిక మీదికి వచ్చారు. సచిన్ టెండూల్కర్ ఆత్మకథ ప్లేయింగ్ ఇట్ మై వే పుస్తకావిష్కరణ సందర్భంగా ఆ అరుదైన సంఘటన చోటు చేసుకుంది.

బుధవారం సాయంత్రం సచిన్ టెండూల్కర్ కుటుంబ సభ్యులు, మాజీ జట్టు సహచరులు, అతిథుల సమక్షంలో తన ఆత్మకథను అధికారికంగా విడుదల చేశారు. తాము క్రికెట్ ఆడిన కాలంలోని జ్ఞాపకాలను టెండూల్కర్, ద్రావిడ్, గంగూలీ, లక్ష్మణ్ గుర్తు చేసుకున్న అరుదైన సందర్భం ఆ పుస్తకావిష్కరణ సభ కల్పించింది.

టెండూల్కర్ తొలి గురుువ రమాకాంత్ అచ్రేకర్ కూడా ఆవిష్కరణ కార్యక్రమానికి హాజరయ్యారు. టెండూల్కర్ రెండో ప్రతిని ఆయనకు అందించారు. బుధవారం ఉదయం తొలి ప్రతిని తన తల్లి రజనీకి అందించి, ఆమె కళ్లలోని ఆనందాన్ని చూశారు.

పుస్తకం ముఖచిత్రం

సచిన్ టెండూల్కర్ ఆత్మకథ ప్లేయింగ్ ఇట్ మై వే పుస్తకం ముఖచిత్రం ఇలా ఉంది. ఈ పుస్తకం రాయడానికి మూడేళ్లు పట్టిందని సచిన్ చెప్పారు.

తల్లికి పుస్తక ప్రతి

తన ఆత్మకథ ప్లేయింగ్ ఇట్ మై వే పుస్తకం తొలి ప్రతిని సచిన్ టెండూల్కర్ తన తల్లి రజనీకి అందించారు. అప్పుడు ఆమె కళ్లలో ఆనందం చూశానని అన్నారు.

అధికారిక ఆవిష్కరణ

భారత క్రికెట్ దిగ్గజం సచిన్ టెండూల్కర్ తన ఆత్మకథ ప్లేయింగ్ ఇట్ మై వే పుస్తకాన్ని అధికారికంగా ఇలా విడుదల చేశారు.

అచ్రేకర్‌కు రెండో ప్రతి

క్రికెట్ క్రీడలో తన తొలి గురువు రమాకాంత్ అజ్రేకర్‌ను సచిన్ టెండూల్కర్ ఏ రోజు కూడా మరిచిపోలేదు. పుస్తకం రెండో ప్రతిని ఆయనకు అందించారు.

సచిన్ టెండూల్కర్ గురించి...

భారత క్రికెట్ జట్టు మాజీ కెప్టెన్లు సునీల్ గవాస్కర్, దిలీప్ వెంగ్‌సర్కార్, రవి శాస్త్రి, ముంబై మాజీ ఆటగాడూ కోచ్ వాసు పరంచజపే సచిన్ టెండూల్కర్‌ గురించి మాట్లాడారు.