కాంగ్రెస్ చింతన్ శిబిర్ పై పీకే సెటైర్లు-అర్ధవంతంగా ఏదీ సాధించలేకపోయారంటూ..

కాంగ్రెస్ పార్టీలో చేరేందుకు ప్రయత్నించి విఫలమైన రాజకీయ వ్యూహకర్త ప్రశాంత్ కిషోర్ ఇవాళ ఆ పార్టీని లక్ష్యంగా చేసుకుని వ్యంగాస్త్రాలు సంధించారు. ముఖ్యంగా రాజస్దాన్ లో తాజాగా కాంగ్రెస్ పార్టీ నిర్వహించిన చింతన్ శిబిర్ పై పీకే చేసిన వ్యాఖ్యలు ప్రాధాన్యం సంతరించుకున్నాయి.

రాజస్థాన్‌లోని ఉదయపూర్‌లో కాంగ్రెస్ మూడు రోజుల చింతన్ శివిర్‌పై ప్రశాంత్ కిషోర్ ఎట్టకేలకు తన అభిప్రాయాన్ని పంచుకున్నారు. ఈ సెషన్ అర్థవంతంగా ఏమీ సాధించలేకపోయిందని ఆయన విమర్శించారు. అంటూ ట్వీట్ చేశాడు. చింతన్ శివిర్ ఫలితంపై వ్యాఖ్యానించమని తనను పదే పదే అడిగారని, తన దృష్టిలో, అది యథాతథ స్థితిని పొడిగించడమని, కాంగ్రెస్ నాయకత్వానికి కొంత సమయం ఇవ్వడం తప్ప, కనీసం రాబోయే ఎన్నికల పరాజయం వరకు అర్థవంతమైన దేన్నీ సాధించలేకపోయిందని పీకే వ్యాఖ్యానించారు.

2024 అసెంబ్లీ ఎన్నికల వ్యూహం, ఎన్నికల సవాళ్లపై చర్చించడానికి కాంగ్రెస్ మూడు రోజుల మేధోమథన సమావేశాన్ని నిర్వహించింది. గాంధీలు, పార్టీ సీనియర్ నాయకులు ఇందులో హాజరయ్యారు. ఇందులో భారత్ జోడో యాత్ర సహా పలు కార్యక్రమాలు చేపట్టాలని కాంగ్రెస్ పార్టీ నిర్ణయించింది. గత ఏడేళ్లలో పార్టీలో దారుణ ఎన్నికల పరాజయాలు, అసమ్మతి నేపథ్యంలో మూడు రోజుల పాటు 'నవ్ సంకల్ప్ చింతన్ శివిర్' నిర్వహించారు. ఈ సమావేశంలో సమయానుకూలంగా పార్టీ పునర్నిర్మాణంపై దృష్టి సారించారు, పోలరైజేషన్ రాజకీయాలను ఎదుర్కోవడానికి మార్గాలను కనుగొనడం, రాబోయే ఎన్నికల సవాళ్ల కోసం యుద్ధానికి సిద్ధంగా ఉండటంపై నేతలు చర్చించారు.

English summary

political strategist prashant kishor on today made satirical comments on congress party's chintan shivir concluded recently.