పుడితే ఇలా పుట్టాలి, కోడికి 24x7 వీఐపీ భద్రత, కోడికి అంత భద్రత ఎందుకుంటే ?
భారతదేశంలో రాజకీయ నాయకులు, సెలబ్రిటీలు, ప్రాణహాని ఉన్న వ్యక్తులకు, వీవీఐపీలకు పోలీసు అధికారులు భద్రత కల్పిస్తారు. పోలీసులు, స్పెషల్ ఫోర్స్, ఎన్ఎస్జీతో సహా అనేక భద్రతా సంస్థలు అనేక స్థాయిలలో భద్రతను అందిస్తాయి. కానీ పంజాబ్లో కోళ్లకు 24 గంటల భద్రత కల్పిస్తారు. ప్రతిరోజూ కోళ్ల సంరక్షణ, షిఫ్ట్ విధానంలో 24 గంటలూ కోళ్లకు వీఐపీలకు కల్పించే భద్రత కల్పిస్తోంది.
పంజాబ్లో పుడితే ఇలా వీఐపీ కోడిలా పుట్టాలిరా అనే మాట ఇప్పుడు ప్రజల్లో వినిపిస్తోంది. అయితే సాధారణంగా మమూళ్లు కోళ్లకు కాకుండా వీఐపీ కోళ్ల వెనుక ఓ ఆసక్తికరమైన కథ ఉంది. పంజాబ్లోని భటిండా గ్రామంలోని ఓ కోడి ఇప్పుడు అదే ప్రాంతంలోని బటిండా పోలీస్ స్టేషన్లో వీఐపీ కోడిగా మారిపోయింది. ఆంధ్రప్రదేశ్, కర్ణాటక, తమిళనాడులోని కొన్ని ప్రాంతాల్లో రహస్యంగా నిర్వహించే కోడి పెందాలు లాగే పంజాబ్లో కూడా కోడి పందాలు నిర్వహిస్తారు.
పంజాబ్ లో కోడి పందాలు బాగా ప్రాచుర్యం పొందాయి. కోడిపందాలకు ప్రసిద్ధి చెందిన ఈ కోడి పందాలు బటిండా గ్రామంలో నిర్వహించారు. సమాచారం అందుకున్న పోలీసులు వెంటనే దాడి చేశారు. బటిండా గ్రామంలో అత్యధికంగా కోడి పందేలు నిర్వహించారు. పోలీసుల దాడితో పలువురు పరుగుతీశారు. కొందరు పందెం కోళ్లు తీసుకుని అక్కడి నుంచి పారిపోయారు. కోళ్ల పందాల నిర్వహకుడితో పాటు ముగ్గురు నిందితులు ఓ పందెం కొడి పోలీసులకు చిక్కింది.
కోడి పందాల నిర్వాహకుడు సహా ముగ్గురు నిందితుల్లో ఒకరిని పోలీసులు అరెస్టు చేశారు. పందెం కోళ్ల నిర్వహకుడి దగ్గర ఉన్న12 ట్రోఫీలను స్వాధీనం చేసుకున్నారు.అరెస్టు అయిన నిందితుడు, ఒక కోడి, 12 ట్రోఫీలను పోలీసులు కోర్టు ముందు హాజరుపరిచారు. పోలీసులు కేసును సీరియస్గా తీసుకున్నారు. పోలీసుల అదుపులో ఉన్న ఈ కోడికి భద్రత కల్పించాల్సిన పరిస్థితి పంజాబ్ పోలీసులకు ఎదురైయ్యింది.
పోలీస్ స్టేషన్ ఆవరణంలో ఈ కోడికి ధాన్యంతో సహా ఆహారం ఇస్తున్నారు. దీంతోపాటు పందెం కోడికి పోలీసులు షిఫ్టుల పద్దతిలో 24 గంటల భద్రత కల్పిస్తున్నారు. పంజాబ్లో పందెం కోళ్లకు చాలా డిమాండ్ ఉంది. రాత్రిపూట లేదా పోలీసుల కంట పడకుండా పందెం కోడిని ఎత్తుకుపోయే అవకాశం ఉందని, కోడి మిస్ అయితే కోర్టులో సమాధనం చెప్పలేమని తెలుసుకున్న పోలీసులు ఇప్పుడు షిఫ్టుల్లో ఆ పందెం కోడికి భద్రత కల్పించడం హాట్ టాపిక్ అయ్యింది.
Click it and Unblock the Notifications
Sign in with Google