Gyanvapi : జ్ఞానవాపి మసీదులో ఏఎస్ఐ సర్వేపై సుప్రీంకోర్టు స్టే-ముస్లింలకు కీలక సూచన..
ఉత్తర్ ప్రదేశ్ లోని జ్ఞానవాపి మసీదులో శివలింగం వంటి ప్రతిమ బయటపడిన నేపథ్యంలో ఆర్కియాలజీ సర్వే ఆఫ్ ఇండియాతో సర్వే చేయించేలా ఆదేశాలు ఇవ్వాలన్న హిందూ గ్రూపుల పిటిషన్ పై విచారణ జరిపిన వారణాసి కోర్టు అందుకు సమ్మతించింది. ఈ మేరకు మసీదులోని శివలింగం వంటి ప్రతిమ బయటపడిన ప్రాంతం మినహా మిగిలిన ప్రాంతమంతా సర్వే చేసేలా ఆదేశాలు ఇచ్చింది. వీటిని సుప్రీంకోర్టు ఇవాళ నిలిపేసింది.
జ్ఞానవాపి మసీదులో ఆర్కియాలజీ సర్వే ఆఫ్ ఇండియాతో సర్వే చేయించేందుకు వారణాసి కోర్టు గతవారం ఆదేశాలు జారీ చేసింది. అయితే దీన్ని సవాల్ చేస్తూ మసీదు కమిటీ సుప్రీంకోర్టును ఆశ్రయించింది. 1996 నాటి ప్రార్ధనా స్ధలాల పరిరక్షణ చట్టం ప్రకారం ఇది చట్టబద్ధం కాదని వాదించింది. ఈ వాదనతో ఏకీభవించిన సుప్రీంకోర్టు ఇవాళ మసీదు కమిటీకి కీలక సూచన చేసింది. ఈ వ్యవహారాన్ని అలహాబాద్ హైకోర్టులోనే తేల్చుకోవాలని సూచించింది. అదే సమయంలో ఎల్లుండి సాయంత్రం 5 గంటల వరకూ సర్వే చేయకుండా స్టే ఇచ్చింది.
సుప్రీంకోర్టు ఆదేశాలతో వారణాసిలోని జ్ఞాన్వాపి మసీదులో ఆర్కియాలజికల్ సర్వే ఆఫ్ ఇండియా (ఏఎస్ఐ) సర్వే రెండు రోజుల పాటు నిలిచిపోనుంది. వారణాసిలోని కాశీ విశ్వనాథ దేవాలయం పక్కనే ఉన్న చారిత్రాత్మక మసీదు సముదాయంలో సర్వే తవ్వకానికి దారితీస్తుందనే భయంతో మసీదు నిర్వహణ కమిటీ కోర్టును ఆశ్రయించింది. అయితే సర్వే నిర్మాణాన్ని ఏ విధంగానూ మార్చదని కేంద్రం కోర్టుకు హామీ ఇచ్చింది. అలాగే ఓ ఇటుక తొలగించలేదని, అలాంటి ఆలోచన లేదని వెల్లడించింది.
సర్వే ప్లాన్లో కొలత, ఫోటోగ్రఫీ, రాడార్ అధ్యయనాలు మాత్రమే ఉన్నాయని సొలిసిటర్ జనరల్ ఆఫ్ ఇండియా తుషార్ మెహతా కోర్టుకు తెలిపారు. వారణాసి కోర్టు ఆదేశాల నేపథ్యంలో ఏఎస్ఐ తవ్వకాలు చేపట్టడం లేదని తెలుస్తోంది. వచ్చే వారం సోమవారం వరకు ఈ దశలో ఈ దశలో ఎలాంటి తవ్వకాలు జరపకూడదని స్టేట్మెంట్ను నమోదు చేస్తామని, భారత ప్రధాన న్యాయమూర్తి డివై చంద్రచూడ్, కేంద్రం యొక్క అఫిడవిట్ ను రికార్డ్ చేశారు.
Click it and Unblock the Notifications
Sign in with Google