92వ పడిలోకి బీజేపీ వ్యవస్థాపకులు అద్వానీ: శుభాకాంక్షలు తెలిపిన ప్రధాని మోడీ

న్యూఢిల్లీ: మాజీ ఉపప్రధాని బీజేపీ కురవృద్ధుడు ఎల్‌కే అద్వానీ 92వ పుట్టినరోజును జరుపుకుంటున్నారు. ఈ సందర్భంగా ఉపరాష్ట్రపతి వెంకయ్యనాయుడు, ప్రధాని నరేంద్రమోడీ, కేంద్ర హోంమంత్రి అమిత్‌షాలు అద్వానీ నివాసంలో ఆయన్ను కలిసి పుట్టినరోజు శుభాకాంక్షలు తెలిపారు. అద్వానీ ఎప్పటికీ ప్రజాసేవలోనే ఉన్నారని ప్రధాని మోడీ ట్వీట్ చేశారు. విలువలతో కూడిన వ్యక్తి అద్వానీ అని మోడీ ట్వీట్ చేశారు. తనకున్న భావజాలంపై ఏనాడు రాజీపడని వ్యక్తి అద్వానీ అని ప్రధాని కొనియాడారు. ప్రజాస్వామ్య పరిరక్షణలో అద్వానీ ముందుండేవారని గుర్తుచేసుకున్నారు. ఇక తన పరిపాలనాధక్ష్యతను మోడీ కొనియాడారు.

Scholar, statesman and one of the most respected leaders, India will always cherish the exceptional contribution of Shri Lal Krishna Advani Ji towards empowering our citizens. On his birthday, I convey my greetings to respected Advani Ji and pray for his long and healthy life.

— Narendra Modi (@narendramodi) November 8, 2019

ఇక పార్టీ పరంగా చూసుకుంటే అద్వానీ బీజేపీకి ఒక రూపును తీసుకురావడంలో కీలకంగా వ్యవహరించారని చెప్పారు ప్రధాని. దేశరాజకీయాల్లో బీజేపీ ఉవ్వెత్తున ఎగిసిందంటే ఇందుకు కారణం అద్వానీనే అని కొనియాడారు ప్రధాని మోడీ. కొన్ని దశాబ్దాలుగా పార్టీకి సేవలందించడం అదేసమయంలో కార్యకర్తలను తీర్చిదిద్దడంలో అద్వానీ కీలకపాత్ర పోషించారని ప్రధాని చెప్పారు.

లాల్ కృష్ణ అద్వానీ 1927 నవంబర్ 8న అప్పటి ఉమ్మడి భారత దేశంలోని కరాచీలో జన్మించారు. దేశవిభజన తర్వాత తన కుటుంబం భారత్‌కు వలస వచ్చింది. మాజీ ప్రధాని అటల్ బిహారీ వాజ్‌పేయితో కలిసి బీజేపీని స్థాపించడంలో అద్వానీ ప్రముఖులు. అద్వానీ బీజేపీ అధ్యక్షుడిగా అత్యధిక కాలం పనిచేశారు.అయోధ్యలో రామమందిరం నిర్మాణం కోసం ప్రచారంలో భాగంగా రథయాత్ర చేపట్టారు. 1984లో రెండు సీట్లు గెలుచుకున్న బీజేపీ నేడు భారతదేశ రాజకీయాల్లో ఉన్నతమైన శక్తిగా ఎదిగిందంటే అందుకు అద్వానీనే కారణమని చెప్పుకుంటారు. ఇప్పటి వరకు ఐదుసార్లు లోక్‌సభకు పోటీచేసి విజయం సాధించారు. అయితే వయసుమీద పడటంతో ఆయన ఈసారి లోక్‌సభ ఎన్నికల్లో పోటీచేయలేదు.

#WATCH: PM Narendra Modi meets senior BJP leader LK Advani at the latter's residence on his 92nd birthday. Vice President Venkaiah Naidu, BJP President Amit Shah and BJP working President JP Nadda also present. #Delhi pic.twitter.com/zUvVVQJMvg

— ANI (@ANI) November 8, 2019

English summary

BJP's grand old man LK Advani celebrated his 92nd Birthday. Vice President Venkaiah Naidu, PM MOdi and HomeMinister Amitshah met Advani at his residence and greeted him.