భర్తలను మార్చుకున్న అక్కాచెల్లెళ్లు.. పిల్లలను కూడా !!

పెళ్లి అనేది ప్రతి ఒక్కరి జీవితంలో ముఖ్య పాత్ర పోషిస్తుంది. మూడు ముళ్లు బంధంతో ఇద్దరు వ్యక్తులు ఒక్కటయ్యే వేడుకే వివాహం. కేవలం ఇద్దరు వ్యక్తులే కాకుండా వారి కుటుంబాలు సైతం ఒక్కటవుతాయి. అందుకే పెళ్లి విషయంలో అటు ఏడు తరాలు.. ఇటు ఏడు తరాలు చూసి అయినా కానీ మంచి సంబంధం ఫిక్స్ చేసుకోవాలని అంటారు. కానీ ఓ అక్కాచెల్లెళ్లు మాత్రం సభ్యసమాజం సైతం తలదించుకునే ఘటనకు తెరలేపారు. నైతిక విలువలను మంటగలుపుతూ.. మానవ సంబంధాలను కాలరాసే పనికి ఒడిగట్టారు.

విచిత్ర ఘటన..

ఉత్తరప్రదేశ్‌లోని లలిత్‌పూర్ జిల్లాలోని పాలి పోలీస్ స్టేషన్ పరిధిలో ఈ విచిత్ర ఘటన చోటు చేసుకుంది. ఓ రైతు తన ఇద్దరు కుమార్తెలకు పదేళ్ల క్రితం పెళ్లి చేశాడు. కొన్నేళ్ల పాటు వీరి కాపురాలు సవ్యంగానే సాగాయి. ఇద్దరికి పిల్లలు కూడా పుట్టారు. అయితే దాదాపు ఆరు నెలల క్రితం వారి జీవితాలు అకస్మాత్తుగా మలుపు తిరిగాయి.

చిన్న కూతురు తన అక్క భర్తతో అక్రమ సంబంధం, ప్రేమ ఏర్పరచుకుంది. ఈ బంధం హద్దులు దాటి, కుటుంబానికి అనుమానం రావడంతో.. ఆ ఇద్దరూ ఒకరోజు రాత్రి పారిపోయి పెళ్లి చేసుకున్నారు. దీంతో ఆగ్రహానికి గురైన తండ్రి, పెద్ద కూతురు (అక్క), చెల్లి భర్త కలిసి వారి కోసం వెతకడం ప్రారంభించారు.

వెతుకులాటలో మరో అనైతిక బంధం..

పారిపోయిన వారి కోసం ఎంత వెతికినా ఫలితం దక్కలేదు. ఈ క్రమంలో వెతుకులాటలో కలిసున్న అక్క, చెల్లి భర్త (మరిది) మధ్య కూడా సాన్నిహిత్యం పెరిగింది. పారిపోయిన వారు దొరకకపోవడంతో.. వాళ్లు లేకున్నా మనం కలిసి ఉందాం అనే ఉద్దేశ్యంతో వీరిద్దరూ ప్రేమలో పడి ఒకటయ్యారు. ఈ విచిత్ర వ్యవహారం గురించి తెలుసుకున్న తండ్రి, బంధువులు తీవ్ర మనస్తాపానికి లోనయ్యారు.

ఈ వ్యవహారం కాస్తా ఆ నోటా.. ఈ నోటా పాకి తీవ్ర చర్చనీయాంశం అయ్యింది. నలుగురు కలిసి ఒకరికి ఒకరు భర్తలను మార్చుకోవడానికి అంగీకరించడం ఏంటని తీవ్ర విమర్శలు వెల్లువెత్తాయి. అంతేకాకుండా తమ పిల్లలను కూడా పరస్పరం మార్చుకున్నారు. అక్క పిల్లలను చెల్లికి ఇవ్వగా.. చెల్లి పిల్లలను అక్క తీసుకుంది. వీరి చర్యలతో తమ కూతుర్ల ప్రవర్తనతో విసిగిపోయిన రైతు తీవ్ర ఆగ్రహానికి గురయ్యాడు. తన ఇద్దరు కూతుళ్లను.. వారిని పెళ్లాడిన భర్తలను ఇంట్లో నుంచి తరిమేశాడు. ప్రస్తుతం ఈ ఘటన సోషల్ మీడియాలో వైరల్ అవ్వగా.. మరీ ఇంత ఛండాలంగా తయారయ్యారా? అంటూ నెటిజన్లు కామెంట్స్ చేస్తున్నారు.

English summary

Marriage plays an important role in everyone's life. Marriage is a celebration of two people coming together with a three-pronged bond. Not just two people, but their families are also united.