కోర్టు ముందు సూపర్ స్టార్ భార్య, సుప్రీం కోర్టు ఆదేశాలతో, చీటింగ్ కేసులో రజనీకాంత్!

చెన్నైకి చెందిన యాడ్ ఏజెన్సీ కంపెనీ దాఖలు చేసిన కేసులో బెయిల్ కోరుతూ సౌత్ ఇండియా సూపర్ స్టార్, బహుబాష నటుడు రజనీకాంత్ భార్య లతా రజనీకాంత్ బెంగళూరులోని 1వ ఏసీఎంఎం కోర్టు ముందు హాజరయ్యారు. లతా రజనీకాంత్‌పై దాఖలైన చీటింగ్ కేసులో ఆమెకు బుధవారం కోర్టు బెయిల్ మంజూరు చేసింది. లతా రజనీకాంత్ వెంట సూపర్ స్టార్ రజనీకాంత్ స్నేహితులు, ఆయన అభిమానులు ఉన్నారు.

గతంలో లతా రజనీకాంత్ కు సంబంధించిన చీటింగ్ కేసును కర్ణాటక హైకోర్టు కొట్టివేసింది. తరువాత లతా రజనీకాంత్ మీద కేసు పెట్టిన కంపెనీ సుప్రీం కోర్టును ఆశ్రయించడంతో ఈ కేసు విచారణకు లతా రజనీకాంత్ హాజరైనారు. రజనీకాంత్ నటించిన కొచ్చాడియాన్‌ నుంచి వచ్చిన నష్టాన్ని పూడ్చడం లేదని యాడ్ ఏజెన్సీ కంపెనీ కేసు వేసింది. అక్టోబరు 10వ తేదీన చెన్నైకి చెందిన కంపెనీ కర్ణాటక హైకోర్టు ఆదేశాలను సవాలు చేస్తూ సుప్రీంకోర్టులో కేసు దాఖలు చేసింది.

ఇది లతా రజనీకాంత్‌పై విచారణకు దారితీసింది. మీడియా వన్ ఎంటర్‌టైన్‌మెంట్‌లో పనిచేస్తున్న మురళి అనే వ్యక్తికి చెన్నైకి చెందిన యాడ్ బ్యూరో అడ్వర్టైజింగ్ ప్రైవేట్ లిమిటెడ్ కంపెనీ రూ. 6.2 కోట్ల రుణం ఇచ్చింది. మోషన్ పిక్చర్ టెక్నాలజీని ఉపయోగించి రజనీకాంత్ నటించిన కొచ్చాడైయాన్ చిత్రాన్ని రూపొందించారు. మురళికి ఇచ్చిన రుణానికి గ్యారెంటర్‌గా లతా రజనీకాంత్ సంతకం చేశారు.

2016లో యాడ్ బ్యూరో అడ్వర్టైజింగ్ ప్రైవేట్ లిమిటెడ్ మోసం, సాక్ష్యాలను తారుమారు చేయడం, తీసుకున్న రుణాన్ని తిరిగి చెల్లించడంలో విఫలమైన తర్వాత కేసు దాఖలు చెయ్యాలని కంపెనీ నిర్ణయించింది. మురళి, సూపర్ స్టార్ రజనీకాంత్ భార్య లతా రజనీకాంత్‌లపై కేసు నమోదు చేసింది. నివేదికల ప్రకారం కర్ణాటక హైకోర్టులో కేసు విచారణ జరిగింది.

ఫోర్జరీ, అబద్ధాల సాక్ష్యం, మోసం వంటి ఆరోపణలతో సహా కేసులో కొంత భాగాన్ని రద్దు చేసింది, తగిన సాక్ష్యాలను సమర్పించలేదని కోర్టు పేర్కొంది. కర్ణాటక హైకోర్టు ఆదేశాలను యాడ్ బ్యూరో సంస్థ సుప్రీంకోర్టులో సవాలు చేసింది. నివేదికల ప్రకారం, సుప్రీంకోర్టు లతా రజనీకాంత్‌పై అభియోగాలను పునరుద్ధరించింది. బెంగళూరులోని ట్రయల్ కోర్టు ముందు హాజరు కావాలని రజనీకాంత్ భార్య లతా రజనీకాంత్ ను సుప్రీం కోర్టు ఆదేశించింది. సుప్రీం కోర్టు ఆదేశాల మేరకు లతా రజనీకాంత్ బెంగళూరులోని 1వ ఏసీఎంఎం కోర్టు ముందు హాజరైనారు.

English summary

Superstar Rajinikanth's wife Lata Rajinikanth appeared before a Bengaluru court in a cheating case. Rajinikanth's wife appeared before the court on the orders of the Supreme Court and got bail.