Solar Eclipse 2022: సూర్యగ్రహణ అద్భుత దృశ్యాలు, ప్రారంభం-ముగింపు ఇలా

న్యూఢిల్లీ: సూర్యగ్రహణం మంగళవారం సాయంత్రం ఏర్పడింది. ఈ సంవత్సరంలో ఇది రెండోది. ఇదివరకు ఈ ఏడాది ఏప్రిల్ 30వ తేదీన తొలి సూర్యగ్రహణం సంభవించింది. ఈ సంవత్సరం మొత్తంగా నాలుగు గ్రహణాలు ఏర్పడబోతోన్నాయి. సూర్య, చంద్ర గ్రహణాలు రెండు చొప్పున రానున్నాయి. ఈ అమావాస్యకు సంభవించే సూర్యగ్రహణంతో దాని కోటా పూర్తవుతుంది. ఈ ఏడాది నవంబర్‌ 7,8 తేదీల్లో చంద్రగ్రహణం రాబోతోంది. దీపావళి అమావాస్య నాడు రానున్నందున ఈ సూర్యగ్రహణానికి హిందూ పంచాంగం ప్రకారం ఎంతో ప్రాధాన్యత ఏర్పడింది. దీపావళి నాడు చేసే లక్ష్మీపూజను ఒకరోజు ముందే జరుపుకొన్నారు భక్తులు.

గ్రహణం నాడు దేశవ్యాప్తంగా ఆలయాలన్నీ మూతపడ్డాయి. చిత్తూరు జిల్లా శ్రీకాళహస్తిలోని ఆలయం మాత్రం దీనికి మినహాయింపు. భారత్‌లో సూర్యగ్రహణం సాయంత్రం 4:30 గంటలకు ప్రారంభమైంది. 5:42 నిమిషాలకు సూర్యాస్తమయంతో పాటే ముగిసింది. యూరప్, మిడిల్ ఈస్ట్, ఆఫ్రికా ఈశాన్య ప్రాంతాలు, పశ్చిమాసియా, నార్త్ అట్లాంటిక్ సముద్ర తీరం, హిందూ మహాసముద్రం ఉత్తర ప్రాంతంలో నివసించే ప్రజలు పాక్షికంగా ఈ సూర్యగ్రహణాన్ని తిలకించవచ్చు. దీనికి సంబంధించిన పూర్తి వివరాలన్నీ మినిట్ టు మినిట్ మీ కోసం..

English summary

Surya Grahan 2022: Here is the live updates of Solar eclipse, find out the cities that will witness.