Teacher: అంగన్ వాడి టీచర్ మీద పగ, తుపాకితో కాల్పులు, తప్పించుకున్న మేడమ్, ఇద్దరి ప్రాణాలు ?

అంగన్ వాడీ టీచర్ మీద చాలాకాలం నుంచి గుర్రుగా ఉన్న వ్యక్తి ఆమెను అదే రోజు చంపేయాలని అనుకున్నాడు. అంగన్ వాడి టీచర్ మీద పగ పెంచుకున్న వ్యక్తి ఆవేశంతో తుపాకి చేతిలో పట్టుకుని ఊగిపోయాడు. మేడమ్ మిస్ అయ్యింది.

Published: Tuesday, February 21, 2023, 13:25 [IST]

బెంగళూరు/చిక్కమగళూరు: అంగన్‌వాడీ టీచర్ ప్రతిరోజు అంగన్ వాడి కేంద్రానికి వెళ్లి పిల్లలకు పాటులు చెబుతూ వారిని చక్కగా చూుకుంటున్నది, ఎప్పటిలాగే అంగన్ వాడి టీచర్ స్కూల్ దగ్గరకు బయలుదేరింది. ఆ సమయంలో అదే ప్రాంతంలో నివాసం ుంటున్న ఓ వ్యక్తి అంగన్ వాడి టీచర్ తో వాగ్వాదానికి దిగాడు. అంగన్ వాడీ టీచర్ మీద చాలాకాలం నుంచి గుర్రుగా ఉన్న వ్యక్తి ఆమెను అదే రోజు చంపేయాలని అనుకున్నాడు. అయితే అంగన్ వాడి టీచర్ మీద పగ పెంచుకున్న వ్యక్తి ఆవేశంతో ఊగిపోయాడు.

తుపాకి గురి తప్పింది

అంగన్ వాడి టీచర్ మీద డబుల్ బ్యారెల్ గన్ తో కాల్పులు జరపడానికి ప్రయత్నించడంతో అది గురి తప్పి మరో ఇద్దరి ప్రాణాలను బలితీసుకోవడం కలకలం రేపింది. తుపాకి తూటాలు గురితప్పడంతో బైక్ లో వెలుతున్న ఇద్దరు అమాయకులు స్పాట్ లో చనిపోయారు. కర్ణాటకలోని చిక్కమగళూరు తాలూకా ఖాండ్య తాలుకాలోని బిదరే గ్రామంలో ఈ సంఘటన చోటుచేసుకుంది.

ఇద్దరి ప్రాణాలు పోయాయి

బీదర్ కు చెందిన ప్రవీణ్ (33), ప్రకాష్ (30) మృతి చెందిన యువకులు. అదే గ్రామానికి చెందిన రమేష్ కాల్చి చంపినట్లు ఆరోపణలు ఉన్నాయి. అతడు మానసిక వ్యాధిగ్రస్తుడని చెబుతున్నారు. నిందితుడు రమేష్‌ పిల్లలను గ్రామంలోని అంగన్‌వాడీకి తీసుకెళ్తుండగా మార్గమధ్యంలో అంగన్ వాడీ టీచర్ మమతాతో గొడవ జరిగింది.

బతికిపోయిన మేడమ్

ఆ సందర్బంలో రమేష్ సహనం కోల్పోయాడు. మమతాతో గొడవ తారాస్థాయికి చేరడంతో రమేష్ సమీపంలోని అతని ఇంటికి వెళ్లి డుబల్ బ్యారెల్ గన్ తెచ్చి అంగన్ వాడీ టీచర్ మమతా మీద కాల్చేందుకు ప్రయత్నించాడు. అయితే రమేష్ లక్ష్యం తప్పడం, అంగన్ వాడీ టీచర్ మమతా తప్పించుకోవడంతో అదే మార్గంలో బైక్ లో వెళ్తున్న ప్రవీణ్, ప్రకాష్ లపై డబుల్ బ్యారెల్ గన్ తూటాలు దూసుకుపోవడంతో ఇద్దరూ అక్కడికక్కడే మృతి చెందారు.

కేసు నుంచి తప్పించాలని డ్రామాలు ?

అంగన్ వాడి టీచర్ మీద కోపంతో తుపాకితో కాల్పులు జరిపి ఇద్దరి ప్రాణాలు పోవడానికి కారణం అయిన రమేష్ ను అరెస్టు చేసి విచారణ చేస్తున్నామని పోలీసులు తెలిపారు. అయితే అరెస్టు అయిన రమేష్ చాలాకాలంగా మానసిక అస్వస్థతతో బాధపడుతున్నాడని అతని కుటుంబ సభ్యులు అంటున్నారు. జంట హత్యల కేసు నుంచి రమేష్ ను తప్పించడానికి అతని కుటుంబ సభ్యులు నాటకాలు ఆడుతున్నారని స్తానికులు ఆరోపిస్తున్నారని, కేసు విచారణలో ఉందని పోలీసులు అంటున్నారు.

Published On February 21, 2023