కుంబకర్ణుడు, తండ్రి ఆలస్యంగా నిద్రలేపాడని కొడుకు ఏం చేశాడంటే ?, వీడు మనిషేనా!

తిరువనంతపురం/కేరళ: వయసుకు వచ్చిన కొడుకు ఇంట్లో ఉంటే మమ్మల్ని పోషిస్తాడని తల్లిదండ్రులకు ఓ ధైర్యం అని బావిస్తారని పెద్దలు అంటుంటారు. అయితే చేతికి వచ్చిన కొడుకు చెడుతిరుగుడు తిరుగుతుంటే ఏం చెయ్యాలో తెలీక తల్లిదండ్రులు ఆవేదన చెందుతుంటారు. అలాంటి కొడుకు చేతిలో చిన్న విషయానికి ఓ తండ్రి దారుణ హత్యకు గురైనాడు.

కేరళలో ఓ చిన్న విషయానికి జరిగిన గొడవ హత్యలో ముగిసింది. కేరళలో త్రిసూర్‌లోని కొడనూర్ ప్రాంతంలో జాయ్ (60) అనే ఆయన నివాసం ఉంటున్నాడు. జాయ్ కి రీనా అనే భార్య, అలీనా అనే కుమార్తె, 25 ఏళ్ల వయసు ఉన్న రిజో అనే కుమారుడు ఉన్నాడు. భార్య రీనాతో పాటు కొడుకు, కూతురితో కలిసి జాయ్ కొన్ని సంవత్సరాల వరకు సంతోషంగానే జీవించాడు.

జాయ్ కుమారుడు రిజో స్థానికంగా ఉన్న ఓ వెల్డింగ్ షాపులో పనిచేస్తున్నాడు. రిజో మద్యం సేవించడానికి బానిస అయ్యాడు. పగలు, రాత్రి ఎప్పుడంటే అప్పుడు మద్యం సేవిస్తున్న రిజో మద్యం మత్తులో ఇంటికి వెళ్లి నిద్రపోతున్నాడు. మద్యాహ్నం మద్యం సేవించిన రిజో ఇంటికి వెళ్లాడు. రాత్రి 8.15 గంటలకు తనను నిద్ర లేపాలని రిజో అతని తండ్రి జాయ్ కి చెప్పి రూమ్ లో నిద్రపోయాడు.

అయితే రిజో తండ్రి జాయ్ పనిలో పడి కొడును నిద్రలేపడం మరిచిపోయాడు. రాత్రి 8.30 గంటలకు జాయ్ కు అతని కొడుకు రిజోను నిద్రలేపాలని గుర్తుకు వచ్చింది. కేవలం 15 నిమిషాలు ఆలస్యంగా జాయ్ అతని కొడుకు రిజోను నిద్రలేపాడు. నిద్రలేచి టైమ్ చూసిన రిజో 15 నిమిషాలు ఆలస్యం అయ్యింది, ఫ్రెండ్స్ మందు పార్టీ మొదలై ఉంటుందని కోపంతో అతని తండ్రి జాయ్ తో గొడవపెట్టుకున్నాడు.

కోపోద్రిక్తుడైన రిజో నన్ను ఎందుకు ఆలస్యంగా నిద్ర లేపావని అతని తండ్రి జాయ్ తో వాగ్వాదానికి దిగాడు. అదికాస్తా తండ్రి కొడుకుల మధ్య ఘర్షణగా మారడంతో సహనం కోల్పోయిన రిజో అతని తండ్రి జాయ్ ని ఇనుప రాడ్ తో కొట్టి చంపాడు. ఈ ఘటనపై సమాచారం అందుకున్న పోలీసులు రిజోను అదుపులోకి తీసుకున్నారు. జాయ్ మృతదేహాన్ని స్వాధీనం చేసుకుని పోస్టుమార్టంకు తరలించారు. కేలం 15 నిమిషాలకు ఆలస్యంగా నిద్రలేపినందుకు తండ్రి జాయ్ ని అతని కొడుకు రిజో కొట్టి చంపిన ఘటన కేరళలో కలకలం రేపింది.

English summary

The son who beat his father to death in Kerala. The son is angry that his father woke up late.