Tiger: 110 ఏళ్ల తర్వాత కనిపించిన పులి.. ఎక్కడంటే..!

హర్యానాలోని యమునానగర్ జిల్లాలోని కలేసర్ నేషనల్ పార్కులో 110 ఏళ్ల తర్వాత పులి(Tiger) కనిపించింది. పార్కులో ఏర్పాటు చేసిన కెమెరా-ట్రాప్‌లో పులి కనిపించడంతో వన్యప్రాణి అధికారులు, జంతు ప్రేమికులు హర్షం వ్యక్తం చేశారు. "110 సంవత్సరాల తర్వాత కలేసర్ ప్రాంతంలో పులి కనిపించడం రాష్ట్రానికి గర్వకారణం" అని హర్యానా అటవీ, వన్యప్రాణి మంత్రి కన్వర్ పాల్ అన్నారు. గురువారం పెద్ద పులికి సంబంధించి రెండు చిత్రాలను మీడియాకు విడుదల చేశారు.

ఈ పార్కులో చివరిసారిగా 1913లో పెద్ద పులి కనిపించిందని మంత్రి చెప్పారు. అడవులు, వన్యప్రాణులు మన సహజ వారసత్వం, వాటిని రక్షించడానికి మనం ఐక్యంగా కృషి చేయాలిని మంత్రి తెలిపారు. "పులి ఏప్రిల్ 18, ఏప్రిల్ 19 న కనిపించింది. రెండు చిత్రాలను పార్క్ వద్ద కెమెరా-ట్రాప్ ద్వారా బంధించారు. జంతువు వయస్సు, లింగం, ఇతర వివరాలను నిర్ధారించడానికి పగ్‌మార్క్‌లను అనుసరించడానికి మేము ఒక బృందాన్ని ఏర్పాటు చేసాము, "అని పంచకుల చీఫ్ కన్జర్వేటర్ ఆఫ్ ఫారెస్ట్ (వన్యప్రాణులు), ML రాజ్‌వంశీ చెప్పారు.

ఈ పులి ఉత్తరాఖండ్‌లోని డెహ్రాడూన్‌లోని రాజాజీ నేషనల్ పార్క్ నుంచి కాలేసర్‌కు చేరుకుందని భావిస్తున్నట్లు అటవీ, వన్యప్రాణుల అదనపు ప్రధాన కార్యదర్శి (ACS) వినీత్ గార్గ్ తెలిపారు. "కలేసర్ పార్క్ హిమాచల్‌లోని సిర్మౌర్ జిల్లాలో సింబల్‌బరా నేషనల్ పార్క్‌కి ఆనుకొని ఉంది. ఈ రెండు పార్కులు దట్టమైన అడవి గుండా రాజాజీ నేషనల్ పార్క్‌కి అనుసంధానించబడి ఉన్నాయి. పులులు తిరిగేందుకు ఈ కారిడార్‌ను ఉపయోగిస్తున్నట్లు కనిపిస్తోంది" అని గార్గ్ అన్నారు.

ఈ మూడు పార్కుల్లో పులి సంచరిస్తోందని, కానీ కలెసర్ పార్కులోనే నివాసముంటుందని అధికారులు భావిస్తున్నారు. కొద్ది రోజుల పాటు దీని కదలికలు పరిశీలిస్తే దీనిపై స్పష్టత వస్తుందని చెప్పారు. "ఇది చెప్పడానికి చాలా తొందరగా ఉంది కానీ ఈ మధ్య కాలంలో కొన్ని పగ్‌మార్క్‌లు కూడా కనిపించినందున పులి కాలేసర్‌ని తన కొత్త ఇల్లుగా మార్చుకోవచ్చు. మేము ఈ అవకాశాన్ని పరిశీలిస్తున్నాము " అని పేర్కొన్నారు.

శివాలిక్ పర్వత ప్రాంతంలో 11, 570 ఎకరాల్లో విస్తరించి ఉన్న కాలేసర్ నేషనల్ పార్క్ పెద్ద సంఖ్యలో చిరుతలు, ఏనుగులు, అడవి పంది, సాంబార్, అనేక జాతుల పక్షులకు నిలయంగా ఉంది. ఫిబ్రవరిలో రాజాజీ నేషనల్ పార్క్ నుంచి రెండు ఏనుగులు కాలేసర్‌కు వచ్చినట్లు సమాచారం. ఫిబ్రవరిలో, సింబల్బరా నేషనల్ పార్క్‌లో ఒక పెద్ద పులి కెమెరాలో చిక్కింది. సిమ్లా వన్యప్రాణి విభాగం ఫిబ్రవరి 21న తన ట్విట్టర్ ఖాతాలో పెద్ద పిల్లి చిత్రాన్ని షేర్ చేసింది.

English summary

A tiger was spotted after 110 years in Kalesar National Park in Haryana's Yamunanagar district. Wildlife officials and animal lovers expressed joy when the tiger was spotted in the camera-trap set up in the park.