భారత ఉపరాష్ట్రపతి రాజీనామా..!
దేశ రాజకీయాల్లో అనూహ్య పరిణామం చోటుచేసుకుంది. భారత ఉపరాష్ట్రపతి జగదీప్ ధన్ఖడ్ సంచలన నిర్ణయం తీసుకున్నారు. తన పదవికి రాజీనామా చేస్తున్నట్లు ప్రకటించారు. ఈ మేరకు సోమవారం (జులై 21, 2025) రాష్ట్రపతి ద్రౌపది ముర్ముకు తన రాజీనామా లేఖను పంపించారు.
ఉపరాష్ట్రపతి పదవికి జగదీప్ ధన్ఖడ్ రాజీనామా
— oneindiatelugu (@oneindiatelugu) July 21, 2025
- అనారోగ్య కారాణాలతో ఉపరాష్ట్రపతి పదవికి రాజీనామా చేసిన ధన్ఖడ్
- 2022 జులై 16న ఉపరాష్ట్రపతిగా ఎన్నికైన ధన్ఖడ్ - ప్రధానికి, రాష్ట్రపతికి కృతజ్ఞతలు తెలిపిన ధన్ఖడ్#JagadeepDhankhand #VicePresident #NewsUpdate #Oneindiatelugu pic.twitter.com/cOekrpeDGV
ఈ హఠాత్ నిర్ణయానికి అనారోగ్య సమస్యలే కారణమని ధన్ఖడ్ తన లేఖలో పేర్కొన్నారు. దేశ అత్యున్నత పదవులలో ఒకటైన ఉపరాష్ట్రపతి బాధ్యతల నుంచి ఆయన తప్పుకోవడం జాతీయ స్థాయిలో తీవ్ర చర్చకు దారి తీసింది. ఎటువంటి ముందస్తు సూచన లేకుండా తీసుకున్న ఈ నిర్ణయం రాజకీయ వర్గాలను, ప్రజలను ఆశ్చర్యపరిచింది.
జగదీప్ ధన్ఖడ్ ఉపరాష్ట్రపతిగా బాధ్యతలు చేపట్టిన నాటి నుంచి తనదైన శైలిలో వ్యవహరిస్తూ వచ్చారు. పార్లమెంటు ఉభయ సభల్లోనూ ఆయన సమర్థవంతంగా వ్యవహరించారు. ఈ పరిణామం దేశ రాజకీయాలపై ఎలాంటి ప్రభావం చూపుతుందనేది ఇప్పుడు సర్వత్రా ఆసక్తిగా మారింది.ఇప్పుడు ఆయన రాజీనామాతో ఉపరాష్ట్రపతి పదవి ఖాళీ అయింది. తదుపరి ఉపరాష్ట్రపతి ఎవరు కాబోతున్నారో చూడాల్సి ఉంది.
Click it and Unblock the Notifications
Sign in with Google