Viral Video: నవ్వులు పూయిస్తున్న స్కూల్ వీడియో.. తరగతి గదిలో ఫన్నీ రచ్చ!
Viral Video: సోషల్ మీడియాలో ఇటీవల ఓ ఫన్నీ స్కూల్ వీడియో విపరీతంగా వైరల్ అవుతోంది. ఈ వీడియో చూసిన ప్రతి ఒక్కరూ నవ్వు ఆపుకోలేక పొట్ట పట్టుకుంటున్నారు. స్కూల్లోని ఒక అబ్బాయికి క్లాస్ మేట్ అయిన అమ్మాయి నుంచి లవ్ లెటర్ వచ్చింది. అయితే ఆ ప్రేమకు ఏ మాత్రం జవాబు చెప్పే ఉద్దేశం లేకుండా ఆ అబ్బాయి ఆ ప్రేమలేఖను నేరుగా తన టీచర్ వద్దకు తీసుకెళ్లాడు.
ఆ ప్రేమ లేఖ తీసుకుని అబ్బాయి టీచర్ వద్దకు వెళ్లగానే.. టీచర్ సరదాగా.. నవ్వుతూ "సరే, నువ్వే చదువు వినిపించు" అని అడిగాడు. ఇంకేముంది, ఆ అబ్బాయి ఏమాత్రం మొహమాటం లేకుండా, కనీసం సిగ్గుపడకుండా, ఆ ఉత్తరాన్ని క్లాస్ ముందు బిగ్గరగా చదవడం మొదలుపెట్టాడు. ఆ అబ్బాయి అమాయకత్వం, ఆత్మవిశ్వాసం చూసి క్లాసులోని విద్యార్థులు పగలబడి నవ్వారు. స్వయంగా టీచర్ కూడా నవ్వు ఆపుకోలేకపోయారు. దీనికి సంబంధించి వీడియో వైరల్గా మారింది.
ఆ లవ్ లెటర్ లో ఏముందంటే.. ?
ఆ అబ్బాయి ఉత్తరం చదువుతుండగా.. అందులో ఇలా రాసి ఉంది: "అమన్, నేను నిన్ను ప్రేమిస్తున్నాను. నీ ధ్యాసలో నాకు ఆకలి, దాహం ఏమీ ఉండడం లేదు. నీ నెంబరు ఈ ఉత్తరంలో రాయి." ఈ లైన్ వినగానే క్లాసు వాతావరణం మరింత సరదాగా మారిపోయింది. టీచర్ కూడా నవ్వు ఆపుకోలేకపోయారు. ఈ లవ్ లెటర్ను రాసిన "దామిని" అనే అమ్మాయి కూడా అప్పుడే క్లాస్లోనే ఉంది. ఆ అబ్బాయి తను రాసిన ఉత్తరం చదువుతుండగా, ఆ అమ్మాయి సిగ్గుతో ఎర్రబడి, అందరి ముందు నిలబడిపోయింది.
ఇన్స్టాగ్రామ్లో వీడియో వైరల్
ఈ వీడియోను @aapkaculture అనే ఇన్స్టాగ్రామ్ ఖాతాలో పోస్ట్ చేశారు. పోస్ట్ చేసిన కొద్దిసేపటికే ఈ క్లిప్ వేగంగా వైరల్ అయింది. ఇప్పటికే దీనిని వేల మంది చూసి, లైక్ చేశారు. ఈ వీడియోపై నెటిజన్లు కామెడీగా కామెంట్ల వర్షం కురిపిస్తున్నారు. "చూస్తూ ఉండు, ఒక రోజు నువ్వే దామిని వెనుక పడతావు." "దామిని, నోటితో చెప్పొచ్చుగా.. రాయడం ఎందుకు?" చాలా మంది యూజర్లు ఈ వీడియోను 'కామెడీ గోల్డ్' అని అభివర్ణించారు.
ఈ చిన్నపాటి అమాయక సంఘటన ప్రతి ఒక్కరి మోముపై చిరునవ్వును తీసుకొచ్చింది. స్కూల్ రోజుల నాటి అమాయకత్వం, చిలిపి పనులు ఎంత విలువైనవో ఈ వీడియో మనకు గుర్తుచేస్తుంది. మీరు ఈ వీడియోను ఇంకా చూడకపోతే, మంచి నవ్వును మిస్ అయినట్లే!
Click it and Unblock the Notifications
Sign in with Google