Olympics: వచ్చే ఒలింపిక్స్లో క్రికెట్!: పోటీలో ఈ క్రీడలు కూడా
లాస్ఏంజెల్స్: చాలా కాలం నుంచి వస్తున్న ఒలింపిక్స్లో క్రికెట్ ప్రతిపాదనలకు ఈసారి కార్యరూపం దాల్చే అవకాశాలు కనిపిస్తున్నాయి. క్రికెట్ త్వరలో తనదైన కొత్త ఇన్నింగ్స్ను ప్రారంభించేందుకు సిద్ధమైనట్లు తెలుస్తోంది. 2028 ఒలింపిక్స్లో స్థానం కోసం పోటీ పడుతున్న తొమ్మిది క్రీడలలో ఇది ఒకటిగా ఉంది. అంతర్జాతీయ ఒలింపిక్ కమిటీ తన అభిమానుల సంఖ్యను పెంచుకునేందుకు ప్రయత్నిస్తోంది. ఈ క్రమంలోనే క్రికెట్ను పరిగణలోకి తీసుకోవాలని చూస్తోంది.
2028 లాస్ ఏంజెల్స్ ఒలింపిక్స్లో కొత్త క్రీడలను చేర్చడానికి ముంబైలో 100 మందికి పైగా ఐవోసీ సభ్యులు ఓటు వేసిన క్రమంలో.. భారత్, పాకిస్తాన్ మధ్య ప్రపంచ కప్ మార్క్యూ క్లాష్ తర్వాత అక్టోబర్ 15-16 తేదీలలో నిర్ణయం తీసుకోనుంది.
ఐఓసీ ఆల్-పవర్ ఫుల్ ఎగ్జిక్యూటివ్ బోర్డ్ సెప్టెంబర్ 8న స్విట్జర్లాండ్లోని లౌసాన్లో సమావేశం కానున్నందున ఈ వారంలోనే దీనిపై స్పష్టమవుతుంది. ఐవోసీ ప్రెసిడెంట్ థామస్ బాచ్తో కూడిన బోర్డు లాస్ ఏంజెల్స్ ఒలింపిక్స్ క్రీడల కార్యక్రమంపై పిలుపునిస్తోంది. ఇది ముంబైలో జరిగే ఐవోసీ సెషన్లో ఆమోదిస్తారు.
ఒలింపిక్స్లో స్థానం కోసం పోరాడుతున్న ఇతర క్రీడలు ఫ్లాగ్ ఫుట్బాల్, కరాటే, కిక్బాక్సింగ్, బేస్ బాల్-సాఫ్ట్బాల్, లాక్రోస్, బ్రేక్డ్యాన్స్, స్క్వాష్, మోటార్స్పోర్ట్ ఉన్నాయి.
క్రికెట్ చివరిసారిగా 1900లో ఒలింపిక్స్లో ఆడారు. ఇక్కడ బ్రిటన్, ఫ్రాన్స్లకు ప్రాతినిధ్యం వహిస్తున్న రెండు జట్ల మధ్య ఒక-ఆఫ్ గోల్డ్ మెడల్ మ్యాచ్ జరిగింది. ఒక క్రీడను వదిలివేస్తే మాత్రమే మరొకటి చేర్చాలనే IOC కఠినమైన విధానం, అంతర్జాతీయ క్రికెట్ కౌన్సిల్ (ICC) ఉదాసీనత కారణంగా ఇది అప్పటి నుంచి ప్రతిపాదనలకే పరిమితమైంది.
బ్యాచ్ స్పోర్ట్స్ సెలక్షన్ విధానాన్ని అనువైనదిగా చేయడం, అంతర్జాతీయ క్రికెట్ మండలి(ICC) ఇటీవలి సంవత్సరాలలో క్రికెట్ను ఒలింపిక్స్కు తిరిగి తీసుకురావడానికి ప్రయత్నాలను ప్రారంభించింది. ఈ క్రమంలో వచ్చే ఒలింపిక్స్లో క్రికెట్ కూడా చేరే అవకాశం ఉన్నట్లు తెలుస్తోంది. దీనిపై త్వరలోనే స్పష్టత వచ్చే అవకాశం ఉంది.
Click it and Unblock the Notifications
Sign in with Google