ఢిల్లీ సాకేత్ కోర్టులో కాల్పులు-మహిళకు తీవ్ర గాయాలు- లాయర్ ముసుగులో వచ్చిన షూటర్..

ఢిల్లీలో ఇవాళ దారుణం చోటు చేసుకుంది. ఏకంగా కోర్టు కాంప్లెక్స్ లోనే కాల్పులు చోటు చేసుకున్నాయి. ఇందులో ఓ మహిళ తీవ్ర గాయాలపాలైంది. వెంటనే ఆమెను ఆస్పత్రికి తరలించి చికిత్స అందిస్తున్నారు. ఈ షూటవుట్ లో పాల్గొన్న షూటర్.. లాయర్ ముసుగులో వచ్చి కాల్పులకు తెగబడినట్లు తెలుస్తోంది. దీంతో ఢిల్లీలో ఈ వ్యవహారం కలకలం రేపుతోంది. పోలీసులు వెంటనే అప్రమత్తమయ్యారు.

ఢిల్లీలోని సాకేత్ జిల్లా కోర్టులో ఇవాళ లాయర్ వేషంలో వచ్చిన షూటర్ అకస్మాత్తుగా కాల్పులు జరిపాడు. కోర్టు ఆవరణలో అతను నాలుగు రౌండ్లు కాల్పులు జరిపారు. మహిళ పరిస్థితి విషమంగా ఉంది. ఆమెను ఎయిమ్స్‌కు తరలించారు. కాల్పుల సమాచారం అందుకున్న పోలీసులు ఘటనాస్థలికి చేరుకున్నారు. ఈ కాల్పులు జరిపిన నిందితుడు హిస్టరీ-షీటర్ అని తెలుస్తోంది. గతంలో అతను పలు కాల్పులకు పాల్పడిన చరిత్ర ఉందని తెలుస్తోంది.

ఢిల్లీలో పట్టపగలే కోర్టులో కాల్పులు జరిగిన ఘటనతో న్యాయవాదులు, న్యాయమూర్తులు ఒక్కసారిగా భయభ్రాంతులకు గురయ్యారు. పటిష్ట పోలీసు భద్రత ఉన్నప్పటికీ లాయర్ ముసుగులో వచ్చిన ఓ షూటర్ కాల్పులకు తెగబడటంపై సర్వత్రా విమర్శలు వ్యక్తమవుతున్నాయి. ఈ నేపథ్యంలో సాకేత్ కోర్టు వద్ద భద్రత కూడా పెంచారు. కాల్పుల తర్వాత పరారీ అయిన షూటర్ ను పట్టుకునేందుకు పోలీసులు గాలిస్తున్నారు.

Delhi: A woman has been injured in an incident of firing at Saket court. Four rounds were fired. Police on the spot.

(Warning: Disturbing visuals)
Visuals confirmed by police. pic.twitter.com/vdaUBqZxmp

— ANI (@ANI) April 21, 2023

English summary

shooter disguised as lawyer opens fire at delhi saket court and one woman injured in this shootout.