‘నువ్వు విన్ సన్‌వి’! కరుణానిధి మాటను నిజం చేసిన లాయర్ విల్సన్

చెన్నై: డీఎంకే అధినేత, తమిళనాడు మాజీ ముఖ్యమంత్రి కరుణానిధి అంత్యక్రియలను మెరీనా బీచ్‌లోనే నిర్వహించాలని మద్రాస్‌ హైకోర్టు తీర్పు వెలువరించిన సంగతి తెలిసిందే. ఈ మేరకు ఏర్పాట్లు చేయాలంటూ తమిళనాడు ప్రభుత్వాన్ని ఆదేశించింది కూడా.

కాగా, కరుణానిధి తరఫున కోర్టులో వాదించిన న్యాయవాది పేరు విల్సన్‌. ఆయన డీఎంకే పార్టీకు సీనియర్‌ అడ్వకేట్‌గా వ్యవహరిస్తున్నారు. కరుణానిధి అంతిమ సంస్కారాలు మెరీనా బీచ్‌ వద్ద నిర్వహించాలని వాదించి గెలిచిన విల్సన్‌ను గతంలో కరుణానిధి పలుమార్లు మెచ్చుకున్నారు.

ఓసారి 'కళైంజ్ఞర్‌' కరుణానిధి ఆయననుద్దేశించి ఒక మాట అన్నారట. 'నువ్వు విల్సన్‌వి కావు. 'విన్'‌సన్‌వి' అనేవారట. ఆయన మాటలు నిజమేనని విల్సన్ ఈ కేసును గెలిచి మరోసారి రుజువు చేశారు. ‌ఈ విషయాన్ని చిత్రవర్గాలు ట్విటర్‌ ద్వారా వెల్లడించాయి.

#DMK Senior Advocate #Wilson argued and won the case for #Marina4Kalaignar in #MadrasHighCourt

When #Kalaignar was alive, he used to say "You are not Wilson.. You are WINson.."

Advocate #Wilson proved him right once again.. 👏👏 pic.twitter.com/MyB9IlqO8J

— Ramesh Bala (@rameshlaus) August 8, 2018

కరుణానిధి అంతిమ సంస్కారాలు మెరీనా బీచ్‌లోని అన్నాదురై సమాధి పక్కన నిర్వహించేందుకు స్థలం కేటాయించాలని చేసిన విజ్ఞప్తిని తమిళనాడు ప్రభుత్వం తిరస్కరించడంతో దీనిపై డీఎంకే మంగళవారం రాత్రే హైకోర్టును ఆశ్రయించిన విషయం తెలిసిందే. దీంతో కరుణానిధి అంత్యక్రియలను మెరీనా బీచ్ లోనే నిర్వహించుకునేందుకు అనుమతిచ్చింది.

English summary

'you are not wilson.. you are winson’: those words by Karunanidhi comes true about dmk lawyer.