కూలిన చార్టర్డ్ ప్లేన్: కూలుతుండగా దూకిన యువతి!
కాలిఫోర్నియాలో ఓ చార్టర్ విమానం కూలింది. ఈ ఘటనలో నలుగురు మృతి చెందారు. ఓ యువతి అది కూలుతుండగా అందులో నుంచి కిందకు దూకి ప్రాణాలు దక్కించుకుంది. అమెను అందులో ఉన్న వారు బయటకు విసిరేసినట్లుగా చెబుతున్నారు
కాలిఫోర్నియా: కాలిఫోర్నియాలో ఓ చార్టర్ విమానం కూలింది. ఈ ఘటనలో నలుగురు మృతి చెందారు. ఓ యువతి అది కూలుతుండగా అందులో నుంచి కిందకు దూకి ప్రాణాలు దక్కించుకుంది. అమెను అందులో ఉన్న వారు బయటకు విసిరేసినట్లుగా చెబుతున్నారు. నివాసాల పైన అది కూలింది.
అకస్మాత్తుగా కూలిపోతున్న విమానాన్ని చూసి దక్షిణ కాలిఫోర్నియావాసులు అవాక్కయ్యారు. రెండు ఇళ్లను ఢీకొంటూ విమానం కూలిపోవడంతో భారీగా మంటలు చెలరేగాయి.
స్థానిక కాలమానం ప్రకారం సోమవారం రాత్రి ఎనిమిది గంటలకు జరిగిన ఈ దుర్ఘటనలో నలుగురు మృతి చెందారు. ఇద్దరు గాయపడ్డారు. రివర్ సైడ్ అగ్నిమాపక శాఖ అధిపతి మైఖేల్ మూరే స్పందించారు.
భర్త, భార్య, ముగ్గురు టీనేజర్లు వారాంతపు సెలవులను ఆనందంగా గడిపేందుకు సెస్నా విమానంలో డిస్నీలాండ్ వెళ్ళి, తిరిగి వస్తూండగా ఈ ప్రమాదం జరిగిందన్నారు.
ఈ టీనేజర్లలో ఓ అమ్మాయిని కూలిపోతున్న విమానం నుంచి విసిరేశారన్నారు. ఆమెకు స్వల్ప గాయాలు అయ్యాయన్నారు. ఆమెను ఆసుపత్రికి తరలించామని, ఆమె మాట్లాడగలుగుతోందన్నారు. ప్రమాదానికి గురైన ఓ ఇంట్లోని బాధితుడికి ఆపరేషన్ జరిగిందన్నారు. ఇంకా బాధితులు ఎవరైనా ఉన్నారేమో పరిశీలిస్తున్నట్లు తెలిపారు