వెన్నులో వణుకు పుట్టించే స్టంట్: పట్టు తప్పి.. ఇలా బలైపోయాడు(వీడియో)
బీజింగ్: ప్రమాదకర స్టంట్స్ చేసేటప్పుడు కచ్చితంగా అందుకు తగిన జాగ్రత్తలు తీసుకోవాలి. ఎలాంటి జాగ్రత్తలు లేకుండా స్టంట్ కు సిద్దమైపోతే జీవితమే విషాదంగా మిగిలిపోయే ప్రమాదం ఉంది.
చైనాలో వూ వాంగ్ నింగ్ అనే ఓ యువకుడు ఇలాగే తన జీవితాన్ని నాశనం చేసుకున్నాడు. స్టంట్స్ అంటే విపరీతంగా ఇష్టపడే ఆ యువకుడు ఇప్పటికీ ఎన్నో రకాల స్టంట్స్ విజయవంతంగా పూర్తిగా చేశాడు. ఎప్పుడూ ఎలాంటి జాగ్రత్తలు తీసుకునేవాడు కాదు.
అయితే అన్ని రోజులు మనవి కాదు కదా!.., అలవాటైన స్టంటే అయినా.. ఓ రోజు పట్టు తప్పింది. 62 అంతస్తుల బిల్డింగు పైనుంచి ఎక్సర్సైజ్ స్టంట్ చేస్తుండగా అనుకోని ప్రమాదం జరిగింది. చేతులు పట్టు కోల్పోవడంతో ఆ యువకుడు అంతెత్తు నుంచి అమాంతం కిందపడి అక్కడికక్కడే మరణించాడు.
ఈ స్టంట్ ద్వారా వచ్చిన డబ్బులను వాంగ్ తన పెళ్లి కోసం ఖర్చు చేయాలనుకున్నాడని అతని తల్లిదండ్రులు వాపోతున్నారు. అతని మరణంతో భవనం పైనుంచి అతను జారిపడటం వీడియోలో స్పష్టంగా రికార్డయింది. ప్రస్తుతం ఆ వీడియో యూట్యూబ్ లో వైరల్ గా మారింది.