యువకుడిపై స్త్రీల గ్యాంగ్ రేప్: వీర్యం సేకరణ

కేఫ్ టౌన్: యువకుడిని కిడ్నాప్ చేసిన ముగ్గురు మహిళలు అతని మీద గ్యాంగ్ రేప్ చేసిన వింత సంఘటన దక్షిణాఫ్రికాలో జరిగింది. ఈ దారుణమైన సంఘటనతో బాధితుడు షాక్ కు గురై ఆసుపత్రిలో చికిత్స పొందుతున్నాడని పోలీసు అధికారులు తెలిపారు.

పోలీసుల కథనం మేరకు - ఇటీవల పోర్ట్ ఎలిజిబెత్ లోని క్వజకెలె టౌన్ షిప్ లో ముగ్గరు మహిళలు 33 ఏళ్ల వ్యక్తిని అడ్డుకున్నారు. తరువాత రివాల్వర్ తో బెదిరించి అతనిని బీఎండబ్ల్యూ కారులో కిడ్నాప్ చేసి తీసుకు వెళ్లారు.

మార్గం మద్యలో అతనికి లైంగికంగా రెచ్చగొట్టడానికి ద్రావకం తాగించారు. కారులోనే దాదాపు 500 కిలోమీటర్లు దూరం తీసుకు వెళ్లి ముగ్గురు మహిళలు ఒకరి తరువాత ఒకరు అతని మీద అత్యాచారం చేశారు. అతని వీర్యాన్ని ప్లాస్టిక్ బ్యాగులలో సేకరించారు.

ఇలా కొన్ని గంటల పాటు అతని మీద అత్యాచారం చేసిన మహిళలు అతను సృహ కొల్పోయిన తరువాత కారులో నుంచి బయటకు నెట్టి అక్కడి నుంచి పరారైనారు. బాధితుడు సృహలోకి వచ్చిన తరువాత పోలీసులకు ఫిర్యాదు చేశారు.

పోలీసులు అతనిని ఆసుపత్రికి తరలించి వైద్య పరిక్షలు చేయించారు. తమ సర్వీసులో ఇలాంటి విచిత్రమైన కేసు ఎప్పుడూ చూడలేదని, యువకుడి మీద అత్యాచారం చేసిన మహిళల కోసం గాలిస్తున్నామని పోలీసు అధికారులు తెలిపారు.

English summary

A man has complained that he was abducted and turn-by-turn raped by three women in South Africa.