30 రోజుల్లో మీ అధ్యక్షుడిని లేపేస్తాం: ఐఎస్

మాల్దీవులు: మాల్దీవుల అధ్యక్షుడు అబ్దుల్లా యామీన్ ను 30 రోజుల్లో చంపేస్తామని ఇస్లామిక్ స్టేట్ (ఐఎస్ఐఎస్) ఉగ్రవాదులు బెదరించిన ఓ వీడియో యూట్యూబ్ లో పెట్టారు. మాల్దీవుల పోలీసులు ఆదేశ అధ్యక్షుడు అబ్దుల్లా యామీన్ కు కట్టుదిట్టమైన భద్రత కల్పించారు.

సాంగు టీవీ అనే ఓ ప్రయివేటు చానెల్ నుంచి ఈ వీడియో యూ ట్యూబ్ లో పెట్టారని తెలుసుకున్న పోలీసులు ఆ చానెల్ కార్యాలయం మీద దాడులు చేశారు. కార్యాలయంలోని 27 కంప్యూటర్ల హార్డ్ డిస్క్ లు స్వాధీనం చేసుకున్నారు.

ఈ చానెల్ లో పని చేస్తున్న ఎవరో ఒకరు ఈ వీడియోను అప్ లోడ్ చేసి ఉంటారని పోలీసులు అనుమానం వ్యక్తం చేశారు. అయితే టీవీ చానెల్ మేనేజింగ్ డైరెక్టర్ ఇబ్రహీం వాహీద్ స్పందిస్తూ ఈ వీడియో తాము అప్ లోడ్ చెయ్యలేదని స్పష్టం చేశారు.

కావాలనే తమ కార్యాలయం మీద దాడులు చేసి సోదాలు చేసి ప్రసార కార్యక్రమాలు నిలిపివేశారని ఆరోపించారు. అత్యవసర పరిస్థితులు అమలు చేసిన కొద్ది రోజులకే ఈ విదంగా యూ ట్యూబ్ లో వీడియో పోస్టు చెయ్యడంతో మాల్దీవులలో గట్టి భద్రత కల్పించారు.

ఉగ్రవాదులకు వ్యతిరేకంగా తీసుకున్న నిర్ణయాలను వెంటనే ఉపసంహరించుకోవాలని, లేదంటే అధ్యక్షుడితో పాటు పలువురు మంత్రుల మీద దాడులు చేసి చంపేస్తామని బెదిరించారు. పోలీసులు కోర్టు అనుమతితో దర్యాప్తు ముమ్మరం చేశారు.

English summary

The police seized hard disks from 27 computers and destroyed a safe at the office, Minivan news agency quoted Waheed as saying.