పండుటాకులా వ‌ణికిపోతున్న అమెరికా..!అగ్ర‌రాజ్యాన్ని క‌కావిక‌లం చేస్తున్న మంచుతుపాను..!

కొల్రాడ్/హైద‌రాబాద్ : ఇప్పడు అగ్రరాజ్యం అమెరికాను మంచు తుపాను వణికిస్తోంది. అమెరికా అత‌లాకుత‌లం అవుతోంది. మంచుతుఫాన్లు, బీబ‌త్స‌మైన గాలుల‌తో పండుటాకులా గ‌జ‌గ‌జ వ‌ణికిపోంతోంది. రాకీ పర్వతాల నుంచి భారీగా చలిగాలులు వీస్తున్నాయి. దీంతో 25 రాష్ట్రాల్లో జనజీవనం స్తంభించిపోయింది. గంటకు 148 కిలోమీటర్ల వేగంతో చలిగాలులు వీయడంతో ప్రధాన రహదారుల్లో వాహనాల రాకపోకలు నిలిచిపోయాయి. దీంతో వేల సంఖ్యలో విమానాలు కూడా రద్దయ్యాయి. అంతేకాదు స్కూళ్లు , వ్యాపార సంస్థ‌లు కూడా మూతపడ్డాయి.

కొన్ని చోట్ల పిడుగులు కూడా పడడంతో చాలా చోట్ల విద్యుత్తు సరఫరా కూడా నిలిచిపోయింది. ఇప్పటికే పలు ప్రాంతాల్లో మంచు తుపానుపై అధికారిక హెచ్చరికలు జారీ అయ్యాయి. తాజా తుపానును బాంబ్‌ తుపానుగా వాతావరణశాఖ అధికారులు పేర్కొన్నారు. అంతేకాకుండా కొన్ని ప్రాంతాల్లో ఇళ్లు కూలిపోవడంతో అధికారులు సహాయక చర్యలను చేపట్టారు. శిథిలాల నుంచి ప్రజలను రక్షించి ఆసుపత్రికి తరలించారు. తుపాను కారణంగా భారీ వర్షాలు కురిసే కూడా అవకాశాలు ఉండటంతో అధికారులు అప్రమత్తమవుతున్నారు.

English summary

Deep rocks felt from the Rocky Mountains. Thus, life in 25 states has been frozen in America. The speed of vehicular traffic on the main roads was stalled as the winds pelted at a speed of 148 km per hour.