ఏలియన్స్ ఉన్నారా?: ఒబామా సెన్సేషనల్ కామెంట్స్
విశ్వంలో మనమే కాకుండా ఇతర జీవులు(ఏలియన్స్) ఉన్నాయా? అనే ప్రశ్నకు దశాబ్దాలుగా సమాధానం దొరకడం లేదు. అయితే తాజాగా అమెరికా మాజీ అధ్యక్షుడు బరాక్ ఒబామా ఈ విషయంపై చేసిన కామెంట్స్ సోషల్ మీడియాలో ప్రకంపనలు సృష్టిస్తున్నాయి. 'బ్రియాన్ టైలర్ కోహెన్' పాడ్కాస్ట్లో పాల్గొన్న ఒబామా.. ఏలియన్స్ ఉనికిపై ఆసక్తికరమైన అంశాలను పంచుకున్నారు.
ఏలియన్స్ ఉన్నారు.. కానీ!
ఫిబ్రవరి 14, 2026న విడుదలైన ఈ పాడ్కాస్ట్లో హోస్ట్ కోహెన్.. "నిజంగా ఏలియన్స్ ఉన్నారా?" అని ప్రశ్నించగా, ఒబామా నవ్వుతూ సమాధానమిచ్చారు. "ఏలియన్స్ అనేవి వాస్తవమే, కానీ నేను స్వయంగా చూడలేదు. అలాగే అమెరికాలోని అత్యంత రహస్య ప్రాంతమైన 'ఏరియా 51'లో వారిని దాచిపెట్టారనే ప్రచారంలో నిజం లేదు. అక్కడ ఎలాంటి గుప్త రహస్యాలు లేవు" అని అమెరికా మాజీ అధ్యక్షుడు బరాక్ ఒబామా స్పష్టం చేశారు.
జిమ్మీ కిమ్మెల్ షో వీడియో వెనుక అసలు నిజం
గతంలో ఒబామా 'జిమ్మీ కిమ్మెల్ లైవ్' షోలో మాట్లాడుతూ.. "ఏలియన్స్ మనల్ని నియంత్రిస్తున్నారు, నేను రహస్యాలు వెల్లడిస్తే వారు ఊరుకోరు" అని వ్యాఖ్యానించారు. ఆ వీడియో ఇప్పుడు మళ్లీ వైరల్ అవుతోంది. అయితే తాజాగా ఆ వ్యాఖ్యలపై ఒబామా స్పందిస్తూ.. అవి కేవలం తమాషాగా చేసిన వ్యాఖ్యలు మాత్రమేనని, వాటిని సీరియస్గా తీసుకోవద్దని కోరారు.
Barack Obama on aliens: “They’re real”
— UAP James (@UAPJames) February 14, 2026
“But I haven’t seen them. They’re not being kept at Area 51. There’s no underground facility — unless there’s this enormous conspiracy and they hid it from the President of the United States.” pic.twitter.com/c6t0DYxewU
UFOల మిస్టరీపై గతంలో ఏమన్నారంటే?
2021లో కూడా ఒబామా అన్ ఐడెంటిఫైడ్ ఏరియల్ ఫెనామెనా (UAP/UFO) గురించి మాట్లాడారు. ఆకాశంలో వింతగా ప్రయాణించే వస్తువుల వీడియోలు, రికార్డులు ఉన్నాయని, అవి ఎలా అంత వేగంగా ప్రయాణిస్తున్నాయో మనకు అర్థం కాదని అప్పట్లో ఆయన అంగీకరించారు. అయితే అవి ఇతర దేశాల డ్రోన్లు కావచ్చు లేదా వాతావరణ మార్పుల వల్ల కలిగే దృశ్యాలు కావచ్చనిఆయన అభిప్రాయపడ్డారు.
రాజకీయ వ్యూహమా? లేక నిజమా?
ఒబామా ఈ కామెంట్స్ చేయడం వెనుక రాజకీయ కారణాలు కూడా ఉండవచ్చని విశ్లేషకులు భావిస్తున్నారు. ప్రస్తుత అధ్యక్షుడు డొనాల్డ్ ట్రంప్ జులై 2026లో ఏలియన్ల గురించి ఒక అధికారిక ప్రకటన చేయబోతున్నారని వార్తలు వస్తున్న నేపథ్యంలో ఒబామా ఈ కామెంట్స్ చేయడం చర్చనీయాంశంగా మారింది. ఏదేమైనా ఒబామా ఏలియన్ల ఉనికిని పూర్తిగా కొట్టిపారేయకుండా, ఏరియా 51 వంటి కుట్ర సిద్ధాంతాలను మాత్రం తిరస్కరించారు.
Click it and Unblock the Notifications
Sign in with Google