Cricket: బాక్సర్గా మారిన ఇంగ్లీష్ ఆల్ రౌండర్.. క్యాబ్ డ్రైవర్గా పాక్ క్రికెటర్..!
సాధారణంగా క్రికెటర్లు రిటైర్మెంట్ తీసుకున్న తర్వాత.. కోచ్ గానో లేక క్రికెట్ అకాడమీ పెట్టుకుంటారు. లేకుంటే క్రికెట్ సంబంధించి బోర్డుల్లో పని చేస్తుంటారు. అయితే కొంత మంది మాజీ క్రికెటర్లు మాత్రం రిటైర్మెంట్ తర్వాత భిన్న రంగాలను ఎంచుకున్నారు. ఇంగ్లీష్ ఆల్-రౌండర్ ఆండ్రూ ఫ్లింటాఫ్ క్రికెట్ నుంచి ప్రొఫెషనల్ బాక్సర్గా మారాడు.
2007 ప్రపంచ T20 ఫైనల్లో ఐకానిక్ ఫైనల్ ఓవర్ బౌలింగ్ చేసిన జోగిందర్ శర్మ రిటైర్ అయ్యాడు. ఆ తర్వాత హర్యానా పోలీసు దళంలో చేరాడు. శ్రీలంక తరఫున ఆల్ రౌండర్ అయిన సనత్ జయసూర్య, ఆసియన్ ద్వీపంలోని మాతర జిల్లాకు పార్లమెంటు సభ్యునిగా ప్రాతినిధ్యం వహించాడు.
అర్షద్ ఖాన్ : పాకిస్థాన్ కు చెందిన అర్షద్ ఖాన్ తొమ్మిది టెస్ట్ మ్యాచ్లలో 32 వికెట్లు పడగొట్టాడు. అతను మొదట్లో 1997-98 వెస్టిండీస్ పర్యటనకు ఎంపికయ్యాడు. అర్షద్ 2001 వరకు పాకిస్తాన్ జట్టులో తరచుగా సభ్యుడిగా ఉన్నాడు. అర్షద్ ఖాన్ రిటైర్మెంట్ తర్వాత ఆస్ట్రేలియాకు వెళ్లి క్యాబ్ డ్రైవర్గా పని చేశాడు.
డేవిడ్ షెపర్డ్ బిషప్ : డేవిడ్ షెపర్డ్ కౌంటీ క్రికెట్లో ససెక్స్కు ప్రాతినిధ్యం వహించాడు. ఇంగ్లండ్ తరఫున 22 టెస్టు మ్యాచ్ల్లో పాల్గొని మూడు సెంచరీలు నమోదు చేశాడు. షెపర్డ్ తన అత్యుత్తమ ఫస్ట్-క్లాస్ కెరీర్లో 230 మ్యాచ్లు ఆడాడు. 45 సెంచరీల వరకు సాధించాడు. రిటైర్మెంట్ తర్వాత అతను చర్చ్ ఆఫ్ ఇంగ్లాండ్ బిషప్లలో ఒకడిగా మారాడు. 2005లో క్యాన్సర్తో సుదీర్ఘ పోరాటం తర్వాత షెపర్డ్ కన్నుమూశారు.
క్రిస్ లూయిస్ : క్రిస్ లూయిస్ ఒక సమర్ధుడైన ఆల్ రౌండర్, అతను ఒకప్పుడు భవిష్యత్ ఇయాన్ బోథమ్ అని పేరు తెచ్చుకున్నాడు. అయితే, అతని కెరీర్ మధ్యంతరంగా ముగిసింది. ఇంగ్లండ్ తరఫున 32 టెస్టు మ్యాచ్లు ఆడిన అతను 93 వికెట్లు పడగొట్టాడు. ఇందులో మూడుసార్లు ఐదు వికెట్లు తీశాడు. 1993లో అతని పుట్టినరోజున, అతను భారత్పై చెన్నైలో తన ఏకైక సెంచరీని సాధించాడు. అతను రిటైర్మెంట్ తీసుకున్న తర్వాత స్మగ్లర్ గా మారాడు. లిక్విడ్ కొకైన్ రవాణా చేసినందుకు 2009లో లూయిస్కు 13 ఏళ్ల జైలు శిక్ష పడింది.
Click it and Unblock the Notifications
Sign in with Google