నిన్న హ‌ఫీజ్ స‌యీద్‌, నేడు పాక్ మాజీ ప్ర‌ధాని అరెస్ట్‌!

లాహోర్‌: పాకిస్తాన్‌లో అరెస్టుల ప‌ర్వం కొన‌సాగుతోంది. ముంబై పేలుళ్ల ప్ర‌ధాన సూత్ర‌ధారి హ‌ఫీజ్ స‌యీద్‌ను అరెస్ట్ చేసిన 24 గంట‌ల వ్య‌వ‌ధిలోనే ఆ దేశ మాజీ ప్ర‌ధాని క‌ట‌క‌టాల వెన‌క్కి వెళ్లారు. పాకిస్తాన్ మాజీ ప్ర‌ధాని షాహిద్ ఖక‌న్ అబ్బాసీని అధికారులు అదుపులోకి తీసుకున్నారు. ఓ అవినీతి కేసులో అబ్బాసీని అరెస్ట్ చేసిన‌ట్లు నేష‌న‌ల్ అకౌంట‌బిలిటీ బ్యురో (ఎన్ఏబీ) విభాగం అధికారులు వెల్ల‌డించారు. పాకిస్తాన్‌లో ఓ మాజీ ప్ర‌ధాని అరెస్టు కావ‌డం ఇది రెండోసారి. మాజీ ప్ర‌ధాని న‌వాజ్ ష‌రీఫ్‌ ప్ర‌స్తుతం జైలు శిక్ష‌ను అనుభ‌విస్తున్న విష‌యం తెలిసిందే.

నవాజ్ ష‌రీఫ్ నేతృత్వంలోని పాకిస్తాన్ ముస్లిం లీగ్‌-న‌వాజ్ (పీఎంఎల్‌-ఎన్‌) పార్టీకి చెందిన అబ్బాసీ 2017-18 మ‌ధ్య‌కాలంలో అబ్బాసీ పాకిస్తాన్ ప్ర‌ధానిగా ప‌నిచేశారు. ఓ విలేక‌రుల స‌మావేశంలో మాట్లాడ‌టానికి పీఎంఎల్ నాయ‌కుడు షెహ‌బాజ్ ష‌రీఫ్‌తో క‌లిసి కారులో రావ‌ల్పిండి నుంచి లాహోర్ వెళ్తుండ‌గా అబ్బాసీని స్థానిక టోల్‌ప్లాజా వ‌ద్ద ఎన్ఏబీ అధికారులు అదుపులోకి తీసుకున్నారు. లిక్విఫైడ్ నేచుర‌ల్ గ్యాస్ (ఎల్ఎన్‌జీ) టెర్మిన‌ల్ ఏర్పాటు విష‌యంలో అబ్బాసీ పెద్ద ఎత్తున అవినీతికి పాల్ప‌డ్డార‌నే ఆరోప‌ణ‌లు ఆయ‌పై ఉన్నాయి.

ఈ కేసులో ఆయ‌న ఇదివ‌ర‌కే ఎన్ఏబీ నుంచి స‌మ‌న్ల‌ను అందుకున్నారు కూడా. 2200 కోట్ల రూపాయ‌ల విలువ చేసే ఎల్ఎన్‌జీ టెర్మిన‌ల్ ఏర్పాటు విష‌యంలో అబ్బాసీ అవినీతికి పాల్ప‌డ్డార‌ని అంటున్నారు. తాను షేర్ హోల్డ‌ర్‌గా ఉన్న ఓ సంస్థకు ఈ టెర్మిన‌ల్ నిర్మాణ ప‌నుల‌ను టెండ‌ర్ల‌ను అప్ప‌గించార‌నే ఆరోప‌ణలను అబ్బాసీ ఎదుర్కొంటున్నారు.

అబ్బాసీ అరెస్టును పీఎంఎల్‌-న‌వాజ్ నేత‌లు త‌ప్పుప‌డుతున్నారు. రాజ‌కీయ కార‌ణాల‌తోనే ఆయ‌న‌ను అరెస్ట్ చేశార‌ని ఆరోపిస్తున్నారు. పాకిస్తాన్ వ్యాప్తంగా నిర‌స‌న‌లు వ్య‌క్త‌మౌతున్నాయి.

میرے ہموطنو! آپ کے ووٹ سے منتخب ہونے والا ایک اور وزیر اعظم گرفتار ! جو آپ کے ووٹ سے آئے گا، کیا یہی لا قانونیت، توہین اور ناانصافی اس کا مقدر بنے گی؟ pic.twitter.com/iKvx47rjrR

— Maryam Nawaz Sharif (@MaryamNSharif) July 18, 2019

English summary

LAHORE: Former Prime Minister and Pakistan Muslim League-Nawaz (PML-N) leader Shahid Khaqan Abbasi was arrested on Thursday from the Toll Plaza. The former prime minister has been arrested in connection with the LNG case by the National Accountability Bureau (NAB). According to the NAB arrest warrant, Abbasi is accused of commission of the offence of corruption and corrupt practices under section 9 (a) of National Accountability Ordinance, 1999.