ఇరాన్‌లో రక్తపాతం:500 మందికి పైగా మృతి..ఈ విప్లవం ప్రపంచాన్ని కుదిపేస్తుందా?

పశ్చిమ ఆసియాలో మరో విప్లవం దిశగా అడుగులు పడుతున్నాయి. 1979 నాటి ఇస్లామిక్ విప్లవం తర్వాత, ఇరాన్ ప్రభుత్వం ఇంతటి భారీ ప్రజా వ్యతిరేకతను ఎప్పుడూ ఎదుర్కోలేదు. గడిచిన రెండు వారాలుగా ఇరాన్ వీధులన్నీ రక్తపుటేరులై పారుతున్నాయి. కేవలం 14 రోజుల్లోనే మృతుల సంఖ్య 530 దాటిపోగా, 10వేల మందికి పైగా ఆందోళనకారులను భద్రతా దళాలు కటకటాల్లోకి నెట్టాయి

నిరసనలకు కారణం: ఆర్థిక పతనం
ఇరాన్‌లో నిరసనలకు ప్రధాన కారణం దేశంలో ఏర్పడిన తీవ్రమైన ఆర్థిక సంక్షోభం.ఇరాన్ కరెన్సీ (రియాల్) విలువ రికార్డు స్థాయిలో పడిపోయింది. ప్రస్తుతం ఒక అమెరికన్ డాలర్ విలువ ఇరాన్ మార్కెట్లో 14 లక్షల రియాల్స్ దాటింది.ఆహార పదార్థాల ధరలు ఆకాశాన్ని తాకడంతో సామాన్యులు ఆకలితో అలమటిస్తున్నారు. దీంతో ప్రజల ఆగ్రహం కట్టలు తెంచుకుంది.

ప్రభుత్వ అణిచివేత - ఇంటర్నెట్ బంద్
రాజధాని టెహ్రాన్ నుంచి మారుమూల గ్రామాల వరకు 90 మిలియన్ల మంది ప్రజలు ఈ పోరాటంలో భాగస్వాములయ్యారు. ఈ నిరసనల తీవ్రతను ప్రపంచానికి తెలియనివ్వకుండా ఉండేందుకు ఇరాన్ ప్రభుత్వం దేశవ్యాప్తంగా ఇంటర్నెట్ మరియు ఫోన్ సేవలను నిలిపివేసింది. అయినప్పటికీ, ప్రజలు రహస్య మార్గాల ద్వారా తమ పోరాట దృశ్యాలను బయట ప్రపంచానికి చేరవేస్తున్నారు.

అంతర్జాతీయ స్పందన: 'రెడీ' అంటున్న అమెరికా
ఇరాన్ పరిణామాలు ప్రపంచ రాజకీయాలను ఒక్కసారిగా మార్చేశాయి. అమెరికా అధ్యక్షుడు డొనాల్డ్ ట్రంప్ ఇప్పటికే ఇరాన్ ప్రభుత్వానికి తీవ్ర హెచ్చరికలు జారీ చేశారు.పౌరుల ఊచకోత ఆపకపోతే, ఇరాన్‌పై సైనిక దాడులు చేయడానికి అమెరికా సిద్ధంగా ఉందని ట్రంప్ హెచ్చరించారు.మరోవైపు ఇరాన్ స్పందిస్తూ.. తమపై దాడి జరిగితే ఇజ్రాయెల్ మరియు మధ్యప్రాచ్యంలోని అమెరికా స్థావరాలను ధ్వంసం చేస్తామని ప్రతి హెచ్చరికలు చేసింది.

గ్లోబల్ మార్కెట్‌పై ప్రభావం: పెరిగిన చమురు ధరలు
ప్రపంచంలో నాలుగో అతిపెద్ద చమురు ఉత్పత్తి దేశమైన ఇరాన్‌లో అశాంతి నెలకొనడంతో, అంతర్జాతీయ మార్కెట్లో చమురు ధరలు మండిపోతున్నాయి. బ్రెండ్ క్రూడ్ ఆయిల్ ధర 5% పైగా పెరిగి బ్యారెల్‌కు $63 మార్కును దాటింది. సరఫరాలో ఆటంకాలు ఏర్పడవచ్చన్న భయంతో ఇన్వెస్టర్లు ఆందోళన చెందుతున్నారు.

వెనిజులాలో మాదిరిగానే ఇరాన్‌లో కూడా విప్లవం విజయవంతమైతే, అది మధ్యప్రాచ్యంలో దశాబ్దాలుగా ఉన్న సమీకరణాలను మార్చేయనుంది. అయితే, ఈ అధికార మార్పిడి ఎంత రక్తపాతానికి దారితీస్తుందోనన్న ఆందోళన ఇప్పుడు ప్రపంచవ్యాప్తంగా నెలకొంది.

English summary

Over 500 people dead as Iran faces massive unrest. Could this internal crisis reshape Middle East politics and trigger global geopolitical consequences? Full analysis.