మోడీకి చేయిచ్చి.. తుడిచేసుకున్న నాదెళ్ల(వీడియో)

Published: Wednesday, September 30, 2015, 13:20 [IST]

న్యూయార్క్: మైక్రోసాఫ్ట్ చీఫ్ ఎగ్జిక్యూటివ్ ఆఫీసర్, భారత ప్రధాని నరేంద్ర మోడీ మధ్య చోటు చేసుకున్న ఓ ఘటన ఇప్పుడు సోషల్ మీడియాలో హల్‌చల్ చేస్తోంది. మూడు రోజుల క్రితం అమెరికా పర్యటన సందర్భంగా సత్య నాదెళ్లను మోడీ సమావేశమైన సంగతి తెలిసిందే.

మోడీతో కరచాలనం చేసిన అనంతరం సత్య నాదెళ్ల తన రెండు చేతులనూ తుడుచుకుంటూ పక్కకు వెళ్లిపోవడం ఈ వీడియోలో కనిపిస్తోంది.

ఆ సమయంలో అక్కడ సుందర్ పిచాయ్ కూడా ఉన్నారు. కాగా, ఈ వీడియోకు లక్షల సంఖ్యలో 'వ్యూస్' వచ్చాయి. ఈ వీడియోకు అనేక మంది వ్యాఖ్యానాలు కూడా చేస్తున్నారు.

సత్య నాదెళ్ల తన చర్యతో భారత ప్రధానిని అవమానపరిచారని కొందరు వ్యాఖ్యానిస్తుండగా, ఉద్దేశ పూర్వకంగా అలా జరిగి ఉండదని, అది ఆయన అలవాటు కావచ్చని మరికొందరు పేర్కొన్నారు.

Published On September 30, 2015