పార్కులో మంట: ఎంత విచిత్రంగా వుందంటే.. మళ్లీ మళ్లీ చూడాలి(వీడియో)

స్పెయిన్: ఒక అసాధారణమైన వీడియో ఇప్పుడు సోషల్ మీడియాలో చక్కర్లు కొడుతోంది. అన్ని కార్చిచ్చులు ఒక రకంగా ఉంటే.. ఈ మంటలు మాత్రం విచిత్రంగా వ్యాపిస్తూ అందర్నీ ఆశ్చర్యానికి గురిచేస్తున్నాయి. స్పెయిన్ లోని కలహోర్రాలోని పార్కులో ఈ ఘటన చోటు చేసుకుంది.

కార్చిచ్చులానే వ్యాపించిన మంటలు ఓ పద్ధతి ప్రకారం ముందుకు సాగాయి. ఆ మంటలు కేవలం గడ్డి మొక్కలను మాత్రమే తగలబెడుతూ మిగితా వాటిని వదిలేయడం గమనార్హం. మంటల మధ్యలోకి వచ్చిన కొన్ని చెక్క బెంచీలు, చెట్లూ ఉన్నా వాటికి మంటలు వ్యాపించకపోవడం గమనార్హం.

ఈ వీడియో ఇప్పుడు సోషల్ మీడియాలో వైరల్ గా మారింది. దీంతో నెటిజన్లు ఆ వీడియో చూసి ఆశర్యానికి గురవుతున్నారు. ఈ మంటలు ఇలా ఎలా వెళుతున్నాయని ముక్కున వేలేసుకుంటున్నారు.

ఈ వీడియో ఫేష్‌బుక్‌లో షేర్ చేయ్యగా.. ఇప్పటికే దీన్ని 40వేల మంది వరకు వీక్షించారు. ఫేస్‌బుక్‌లోనే గాక, ట్విట్టర్, ఇన్‌స్టాగ్రామ్ కూడా ఈ వీడియో వైరల్ అవుతున్నాయి.

కాగా, ఈ వీడియోను మొదట రెడ్డిట్‌లో ది రోసారీ ఐజిల్స్ అనే యూజర్ అప్‌లోడ్ చేశారు. ఈ వీడియో పెద్ద చర్చకే దారితీసింది. గాలి వెనుక నుంచి వీస్తుంన్నదనే మంటలు అలా ముందుకు వెళ్లాయంటూ పలువురు నెటిజన్లు అభిప్రాయపడుతున్నారు.

English summary

Netizens baffled by planned park fire that didn't burn through wooden benches or trees.