ALERT: చైనాలో మరో కొత్త వైరస్.. ఇక చావులు తప్పవా..!

గత ఐదేళ్ల క్రితం చైనాలో ఉద్భవించిన కొవిడ్-19 ప్రపంచదేశాల్ని అల్లకల్లోలం చేసింది. కరోనా బారిన పడి లక్షల మంది మృతి చెందారు. ఆర్థిక వ్యవస్థలు అస్తవ్యస్తం అయ్యాయి. కొవిడ్ వైరస్ అంటేనే ప్రజలు బెంబేలెత్తిపోతున్నారు. అయితే తాజాగా చైనాలో మరో కొత్త వైరస్ ను కనుగొన్నట్లు శాస్త్రవేత్తలు వెల్లడించారు. కొవిడ్-19 వైరస్ ను పోలినట్లు ఈ వైరస్ ఉన్నట్లు కనుగొన్నారు. చైనాలోని పరిశోధకుల బృందం గబ్బిలాల్లో ఈ వైరస్ గుర్తించారు.ఈ వైరస్ కు HKU5-CoV-2గా నామకరణం చేసింది చైనా పరిశోధన బృందం. చైనాలోని ప్రముఖ వార్తా పత్రిక సౌత్ చైనా మార్నింగ్ పోస్ట్ ఈ వివరాలను వెల్లడించింది.

చైనాకు చెందిన పరిశోధకురాలు షీ జెంగ్లీ.. ఈ పరిశోధక బృందానికి హెడ్ గా ఉన్నారు. ఈమెను బ్యాట్ ఉమెన్ గా పిలుస్తారు. ఈ వైరాలజీలో విశేష ప్రతిభ కలిగి ఉన్నారు. ఈమె జరిపిన పరిశోధనల్లోనే గబ్బిలాల్లో HKU5-CoV-2 వైరస్ ఉన్నట్లు గుర్తించారు. ఈ వైరస్ మైర్బెకోవైరస్‌తో పాటు ప్రాణాంతక మెర్స్-కోవ్ రకానికి చెందినదిగా కనుగొన్నారు.

గబ్బిలాల నుంచి పుట్టిన హెచ్‌కేయూ5-కోవ్‌-2 వైరస్‌ కూడా కొవిడ్-19 మాదిరిగానే రిసెప్టర్‌ ద్వారా మనుషుల్లోకి ప్రవేశిస్తున్నట్లు గుర్తించారు. అంటే కొవిడ్‌-19 తరహాలోనే మరో మహమ్మారి వ్యాప్తి చెందే ప్రమాదం ఉందన్న సంకేతాలు కనిపిస్తున్నాయి. కొవిడ్‌-19 నియంత్రణ కోసం అప్పట్లో పాటించిన జాగ్రత్తలే ఇప్పుడు కూడా పాటించాలని వైద్య నిపుణులు సూచిస్తున్నారు. అయితే మరికొంతమంది మాత్రం అలాంటిదేమీ లేదని.. భయాందోళన చెందాల్సిన అవసరం లేదని సూచిస్తున్నారు.