ఆడుకుంటూ వెళ్లి అస్తికలు తిన్న చిన్నారి.. తర్వాత ఏమైందంటే..?

చిన్నపిల్లల్ని ఎప్పుడూ ఓ కంట కనిపెడుతూ ఉండాలి అని పెద్దలు ఊరికే అనలేదు. తెలిసీతెలియని వయసులో వాళ్లు ఏదిపడితే అది నోట్లో పెట్టుకోవడం సహజం. ఇలాంటి ఘటనే ఇప్పుడు ట్రెండింగ్ గా మారింది. అవును.. ఓ చిన్నారి ఆడుకుంటూ వెళ్లి ప్రమాదవశాత్తు ఇంట్లోని అస్తికలను తిన్నది. ఈ షాకింగ్ ఘటన యూకేలో జరిగింది. ఈ కథనం లండన్ కు చెందిన ప్రముఖ దినపత్రిక డెయిలీ మెయిల్ లో వెలువడింది. ఈ వార్త సామాజిక మాధ్యమాల్లో వైరల్ గా మారింది.

యూకేకు చెందిన నటాషా ఎమినీ.. తన సంవత్సరన్నర కుమారుడు కోహ్ ను ఇంట్లోని ఓ రూమ్ లో వదిలి మేడ మీదకు బట్టలు ఆరేసేందుకు వెళ్లింది. ఆ చిన్నారి ఆడుకుంటూ వెళ్లి నటాషా తండ్రి అస్తికలు భద్రపరిచిన బాక్స్ ఓపెన్ చేశాడు. ఆ అస్తికల్ని పూర్తిగా తినేశాడు. తర్వాత తల్లి వచ్చి చూసి షాక్ కు గురైంది. మా నాన్నను తినేశావ్.. నువ్ మా నాన్నను తినేశావ్ అంటూ అరిచింది. దీంతో ఆ చిన్నారి అక్కడి నుంచి పరుగు తీసింది.

అందుకు సంబంధించిన వీడియోను నటాషా.. సోషల్ మీడియాలో పోస్ట్ చేసింది. ప్రస్తుతం ఈ వీడియో సోషల్ మీడియాలో వైరల్ గా మారింది. ఇప్పటికే ఈ వీడియోను వేల మంది చూశారు. అయితే కొంతమంది ఇది ఏప్రిల్ ఫూల్ అని కామెంట్ చేయగా.. కాదు ఇది నిజంగా జరిగిందని నటాషా బదులిచ్చింది. ఏం జరిగిందో పూర్తిగా తెలుసుకుంటున్నానని కామెంట్ చేసింది. 'నేను బట్టలు ఆరవేయడానికి మేడపైకి వెళ్లాను. కొన్ని నిమిషాల తర్వాత వచ్చి చూసేసరికి కోహ్ బట్టలపై అస్తికల పౌడర్ కనిపించింది. చూసి షాక్ అయ్యాను. కోహ్ ఆ అస్తికలను తిన్నట్లు గుర్తించాను. ఈ ఘటనపై పూర్తి స్థాయిలో తెలుసుకుంటున్నాను' అని పేర్కొంది.

యూకేలోని మీడియాతో మాట్లాడిన నటాషా.. ప్రస్తుతం బాబు ఆరోగ్యం బాగానే ఉందని, అస్తికలు ఎక్కువగా తినలేదని చెప్పింది. ప్రస్తుతం ఈ వీడియో సామాజిక మాధ్యమాల్లో వైరల్ అవుతోంది.