శ్రీలంక అధ్యక్షుడు గోటబాయ పరార్-అంబులెన్స్ లో- అధ్యక్ష భవనంపై నిరసనకారుల దాడితో

శ్రీలంకలో తలెత్తిన ఆర్ధిక సంక్షోభం కాస్తా రాజకీయ సంక్షోభంగా మారిపోయిన తర్వాత పరిస్ధితులు పూర్తిగా అదుపు తప్పుతున్నాయి. ఇప్పటికే దేశంలో రాజపక్సల పాలనకు వ్యతిరేకంగా నిరసనకారులు రెచ్చిపోతుండటంతో పరిస్ధితిని అదుపుచేసేందుకు తన సోదరుడు మహీంద రాజపక్స ప్రభుత్వం స్ధానంలో విక్రమసింఘేను ప్రధానిగా చేసిన అధ్యక్షుడు గోటబాట రాజపక్సకు ఇప్పటికీ ఊరట దక్కడం లేదు.

గోటబాట రాజపక్స రాజీనామా చేయాల్సిందేనని పట్టుబడుతున్న నిరసనకారులు ఇవాళ అధ్యక్ష భవనాన్ని చుట్టుముట్టారు. విక్రమసింఘే ప్రభుత్వం వారిని నియంత్రించేందుకు ప్రయత్నించినా సాధ్యం కాలేదు. దీంతో అధ్యక్ష భవనంలోకి వెళ్లి గోటబాయపై దాడి చేస్తారని అంతా భావిస్తున్న తరుణంలో ఆయన పారిపోయారు. ఓ అంబులెన్స్ లో ఎక్కి గోటబాయ రాజపక్స పారిపోయినట్లు తెలుస్తోంది. దీంతో ఈ వ్యవహారం ప్రపంచవ్యాప్తంగా చర్చనీయాంశమవుతోంది.

శ్రీలంకలో రాజపక్సలకు వ్యతిరేకంగా ఉద్యమిస్తున్న నిరసనకారుల్ని అదుపు చేసేందుకు ప్రభుత్వం, పోలీసులు చేస్తున్న ప్రయత్నాలు ఫలించడం లేదు. ఇవి ఇవాళ మరింత ఎక్కువయ్యాయి. ఈ నేపథ్యంలో ప్రభుత్వ వ్యతిరేక నిరసనకారులుకూ, పోలీసులూ మధ్య జరిగిన దాడుల్లో ఏడుగురు పౌరులు చనిపోయారు. ఆ తర్వాత మరింత ఆగ్రహించిన ఆందోళనకారులు అధ్యక్ష నివాసంలోకి చొచ్చుకెళ్లేందుకు ప్రయత్నించారు. పరిస్ధితిని గమనించిన గోటబాట రాజపక్స అక్కడి నుంచి తప్పించుకున్నారు.

English summary

sri lankan president gotabaya rajapaksa has escaped from prsidential palace by ambulance amid violent protests.