ఆమె సెల్ఫీలను దొంగిలించి, పోర్న్ వెబ్‌సైట్లో పెట్టారు

కాన్‌బెర్రా: ఆస్ట్రేలియాలో న్యాయ శాస్త్రం చదువుతున్న ఓ యువతి సెల్ఫీలను ఆమె ఫేస్‌బుక్ అకౌంట్ నుంచి దొంగిలించి, వాటిని పోర్న్ ప్రకటనలకు ఉపయోగించుకున్న సంఘటన చోటు చేసుకుంది. ఇది నాలుగేళ్ల క్రితం జరిగింది. ఆమె ఇందులో న్యాయం కోసం పోరాడుతోంది.

ఆమె పేరు నోయెల్లా మార్టిన్. లా విద్యను అభ్యసిస్తోంది. పదిహేడేళ్ల యేళ్ల వయసులో ఓ రోజు సరదాగా తాను తీసుకున్న సెల్ఫీని ఫేస్‌బుక్‌లో పోస్ట్ చేసింది. ఆ ఫోటోలను సోషల్ మీడియా నుంచి దొంగిలించిన కొందరు పోర్న్ వెబ్‌సైట్లలో ప్రదర్శనకు పెట్టారు.

ఆమె సెల్ఫీతో పాటు మరిన్ని ఫోటోలు కూడా కాపీ చేసి పోర్న్ సైట్లలో అప్ లోడ్ చేశారు. ఫోటోలను మార్ఫింగ్ చేసి పోర్న్ స్టార్ అంటూ కొందరు అప్‌లోడ్ చేస్తే, మరికొందరు వాటిని చూసి కామెంట్లు రాశారు. ఈ విషయం ఆమెకు చాలా రోజుల తర్వాత తెలిసింది. గూగుల్ ఇమేజ్ సెర్చ్‌లో తన ఫోటోలను దొంగిలించినట్టు గుర్తించి సదరు వెబ్‌సైట్లపై న్యాయపోరాటం మొదలు పెట్టింది.

English summary

Teen's Facebook selfies stolen to advertise porn.