యువకుడి పంచ్‌కి కిందపడిపోయిన ప్రధాని రాజోయ్

స్పెయిన్: స్పెయిన్ ప్రధాని మారియానో రాజోయ్‌‌కు చేదు అనుభవం ఎదురైంది. సాధారణ ఎన్నికల కోసం ప్రచారం నిర్వహిస్తున్న సమయంలో ప్రధాని రాజోయ్‌పై ఓ యువకుడు చేయి చేసుకున్నాడు. గలిషియా ప్రాంతంలోని పాంటివెడ్రా నగరంలో ఈ ఘటన చోటుచేసుకుంది.

పాంటివెడ్రా నగరంలోని ఓ వీధిలో ప్రధాని రాజోయ్ ఎన్నికల ప్రచారం నిర్వహిస్తున్న సమయంలో 17 ఏళ్ల యువకుడు దాడికి పాల్పడ్డాడు. చాలా సేపు ప్రధాని పక్కనే నిలుచున్న ఆ యువకుడు తన ఎడమ చేతితో రాజోయ్ ముఖంపై పంచ్ విసిరాడు.

VÍDEO: Primeras palabras de Mariano Rajoy tras la agresión https://t.co/f7ANc2JdQJ pic.twitter.com/VjBly690DS

— EL PAÍS (@el_pais) December 16, 2015

కాగా, యువకుడి పంచ్‌కు ప్రధాని కింద కూలబోయారు. అయితే అక్కడే ఉన్న ప్రజలు, సిబ్బంది ప్రధానిని కిందపడకుండా పట్టుకున్నారు. యువకుడి దెబ్బకు ప్రధాని ఎడమ చెంప కందిపోయింది.

దాడికి పాల్పడిన యువకుడిని పోలీసులు వెంటనే అరెస్టు చేశారు. ఇది ఇలా ఉండగా, వచ్చే ఆదివారం స్పెయిన్‌లో సాధారణ ఎన్నికలు జరగనున్నాయి. ప్రధాని రాజోయ్‌కి చెందిన పీపుల్స్ పార్టీనే విజయం సాధిస్తుందని సర్వేలు వెల్లడిస్తున్నాయి.

English summary

A young man punched Prime Minister Mariano Rajoy of Spain in the face during a campaign event on Wednesday, leaving the stunned leader with broken glasses and bruises.