Video:కెనడాలో హిందువులపై దాడి..ఏం జరుగుతోంది..?

Attack on Hindus in Canada:కెనడాలో పరిస్థితులు చేదాటిపోతున్నాయి. భారత్ కెనడా దేశాల మధ్య ఇప్పటికే విబేధాలు తారాస్థాయికి చేరిన నేపథ్యంలో తాజాగా హిందువులపై హిందూ ఆలయంపై దాడులతో అది అగ్నికి ఆజ్యంపోసినట్లయ్యింది. కెనడా బ్రాంప్టన్‌లోని హిందు సభ ఆలయంపై ఖలీస్తానీయులు దాడిచేసిన ఘటన తీవ్ర కలకలం సృష్టించింది.హిందువులపై హిందూ దేవాలయంపై దాడిని కెనడా ప్రధానితో సహా అక్కడి ఎంపీలు ఖండించారు.

ఇదిలా ఉంటే భారత ప్రభుత్వం కూడా ఈ ఘటనను ఖండించింది.హిందూ ఆలయాలకు అదనంగా భద్రత కల్పించాలని పలుమార్లు కెనడా ప్రభుత్వానికి విజ్ఞప్తి చేసినట్లు భారత్ పేర్కొంది. అయినప్పటికీ ఇలాంటి ఘటన చోటుచేసుకోవడం నిజంగా దురదృష్టకరమని పేర్కొంది.కెనడాలో ప్రతిపక్షనేత పొయిలీవర్ ఘటనను ఖండిస్తూ ఎవరికి నచ్చిన మతాన్ని వారు పాటించే హక్కు ఉందని గుర్తుచేశారు.బ్రాంప్టన్‌లోని హిందూ సభ ఆలయంలో పూజలు నిర్వహిస్తున్న హిందువులపై దాడులను తీవ్రంగా ఖండిస్తున్నట్లు ఆయన ఎక్స్ ద్వారా తెలిపారు. ప్రజలందరిని ఏకతాటిపైకి తీసుకొచ్చి ఈ అంశానికి ముంగిపు పలుకుతామని వెల్లడించారు.

కెనడాలో ప్రస్తుత పరిస్థితి సురక్షితంగా లేదని టొరంటో ఎంపీ కెవిన్ వాంగ్ అన్నారు. వేర్పాటువాదులకు కెనడా సురక్షిత స్థానంగా మారిందని ఆరోపించారు. కెనడాలో శాంతి భద్రతలు పూర్తిగా అదుపు తప్పాయని చెప్పిన కెవిన్.. ప్రభుత్వం ఈ విషయంలో విఫలమైందని అన్నారు.కెనడాలో నివసిస్తున్న క్రైస్తవులు,జ్యూయిష్‌లను సంరక్షించడంలో ఎలాగైతే జస్టిన్ ట్రూడో ప్రభుత్వం విఫలమైందో ఇప్పుడు హిందువులకు కూడా రక్షణ కల్పించడంలో ఫెయిల్ అయ్యిందని మండిపడ్డారు. ఇక కెనడాలో రెడ్ లైన్‌ను ఖలిస్తానీ వేర్పాటువాదులు దాటేశారని, ఇందుకు తాజాగా హిందువులపై జరిగిన దాడే నిదర్శనమని మరో ఎంపీ చంద్ర ఆర్య మండిపడ్డారు.

It's absolutely unacceptable how Khalistani Goons were able to attack innocent Women and Child at the Hindu Sabha Mandir, even though the police were at the scene. ZERO ARRESTS were made so far. #hindulifematters #hindusabha #HinduSabhaMandir pic.twitter.com/k6upzJN5Wa

— Gurkiran Brar 🪯 (@UnfilteredSevak) November 3, 2024

ఇదిలా ఉంటే మరో నాన్ ప్రాఫిట్ సంస్థ అయిన హిందూ కెనాడియన్ ఫౌండేషన్ ఓ వీడియోను తన సోషల్ హ్యాండిల్‌లో పోస్టు చేసింది. హిందూ ఆలయం వద్ద మహిళలు పిల్లలపై ఖలిస్తానీయులు నిర్దక్ష్యిణ్యంగా దాడులు చేస్తున్న వీడియోను పోస్టు చేసింది.దాడుల సమయంలో పోలీసులు అక్కడే ఉన్నప్పటికీ ఎవరినీ అరెస్టు చేయకపోవడం ఆశ్చర్యానికి గురిచేసిందని చెప్పుకొచ్చింది.

English summary

Canadian Prime Minister Justin Trudeau affirmed that every Canadian has the right to practice their faith freely and safely. In a post on X, Trudeau expressed gratitude to local authorities for their prompt action in safeguarding the community and investigating the incident.