Ukraine: నోవా కఖోవ్కా డ్యామ్ ఆనకట్ట పేల్చివేత.. ప్రమాదంలో వేలాది మంది ప్రజలు..!
ఉక్రెయిన్ లో మంగళవారం తెల్లవారుజామున నీపర్ నదిపై ఉన్న నోవా కఖోవ్కా డ్యామ్ను గుర్తుతెలియని వ్యక్తులు పేల్చేశారు. అయితే రష్యా బలగాలు ఆనకట్టను పేల్చివేసినట్లు ఉక్రెయిన్ ఆరోపిస్తుంది. దీనివల్ల నీటి మట్టాలు పెరిగి డ్నిప్రో నది వెంబడి గ్రామాలను ముంచెత్తే ప్రమాదం ఉంది. డ్నిప్రో పశ్చిమ ఒడ్డున ఉన్న పది గ్రామాలు, ఖేర్సన్ నగరంలో కొంత భాగం వరద ముప్పును ఎదుర్కొంటోంది. ప్రజలను ఖాళీ చేయడానికి సిద్ధం కావాలని ఉక్రెయిన్ అంతర్గత మంత్రిత్వ శాఖ టెలిగ్రామ్లో తెలిపింది.
"ఐదు గంటల్లో నీరు క్లిష్టమైన స్థాయికి చేరుకుంటుంది" అని ప్రాంతీయ గవర్నర్ ఒలెక్సాండర్ ప్రోకుడిన్ తన టెలిగ్రామ్ ఛానెల్లో పోస్ట్ చేసిన వీడియోలో తెలిపారు. ఉక్రెయిన్కు దక్షిణాన ఉన్న జపోరిజ్జియా అణు విద్యుత్ ప్లాంట్ ను రష్యా దళాలు ఒక సంవత్సరం క్రితం ఆక్రమించారు.డ్యామ్ పేల్చివేయడంపై ఉక్రెయిన్ అధ్యక్షుడు జెలెన్ స్కీ జాతీయ భద్రత, రక్షణ మండలితో అత్యవసర సమావేశం నిర్వహించిన్నట్లు కౌన్సిల్ కార్యదర్శి ఒలెక్సీ డానిలోవ్ ఫేస్బుక్లో తెలిపారు.
ఆనకట్టను రష్యా దళాలు పేల్చివేసినట్లు ఉక్రెయిన్ సాయుధ దళాల దక్షిణ సైనిక కమాండ్ ఫేస్బుక్లో పేర్కొంది. వరద ముప్పు ఉన్న ప్రాంతాలను గుర్తించి అక్కడి ప్రజలను ఖాళీ చేయిస్తున్నారు. రష్యా ఈ సంఘటనపై అధికారికంగా ఇంతవరకు వ్యాఖ్యానించలేదు. అధ్యక్షుడు వ్లాదిమిర్ పుతిన్ ఫిబ్రవరిలో ప్రారంభంలో ఆక్రమించిన ఉక్రేనియన్ దళాలు దేశం యొక్క దక్షిణ ప్రాంతంలోని భూభాగాన్ని తిరిగి పొందడాన్ని నిరోధించడానికి రష్యా ఆనకట్టను పేల్చివేయడానికి ప్రయత్నించవచ్చని ఉక్రెయిన్ గత సంవత్సరంలో పదేపదే హెచ్చరించింది.
ఆనకట్ట విధ్వంసంతో డ్యామ్ చుట్టపక్కల నీటి కొరత ఏర్పాడే అవకాశం ఉంది. ఈ డ్యామ్ 30 మీటర్ల ఎత్తు ఉంది. ఈ డ్యామ్ ను 1956లో కఖోవ్కా జలవిద్యుత్తు కేంద్రంలో భాగంగా కట్టారు. ఈ జలాశయం సామార్థ్యం 18 క్యూబిక్ కిలోమీటర్లు. అర్ధరాత్రి నుంచి కఖోవ్కా జలాశయంపై దాడులు జరుగుతున్నాయని రష్యా మేయర్ వ్లాదిమిర్ లియోనేటివ్ తెలిపారు. ఈ దాడుల వల్ల గేటు వాల్వులు దెబ్బతిన్నాయని అయన చెప్పారు. అందుకే నీరు లీకవుతుందన్నారు.
Click it and Unblock the Notifications
Sign in with Google