మాంసం ఎక్కువగా తినే దేశాల్లో టాప్ ఇవే.. భారత్ ఎన్నో స్థానం అంటే ??
ముక్క లేనిదే ముద్ద దిగదు.. ఈ మాటను ఆహారం విషయంలో చాలా మంది అనడం వినే ఉంటారు. కొందరికి రోజూ.. మరి కొందరికి వారానికి ఒకసారి..ఇంకొందరికి మరోలా ఈ మాంసం తినే అలవాటు ఉంటుంది. అయితే ప్రపంచవ్యాప్తంగా చాలా దేశాల్లో మాంసం అనేది ఆహారంలో ఓ ప్రధాన భాగం అని చెప్పొచ్చు. కొందరైతే ప్రతీ పూట మాంసం క్రమంగా తీసుకుంటారు కూడా. కాగా "స్టాటిస్టా రీసెర్చ్ డిపార్ట్మెంట్" ఐక్యరాజ్యసమితికి చెందిన ఆహార, వ్యవసాయ సంస్థ (FAO)కు ఇచ్చిన సర్వే రిపోర్ట్ లో పలు కీలక విషయాలు వెల్లడించింది.
ఈ రిపోర్ట్ ప్రకారం ప్రపంచంలో అత్యధికంగా మాంసం తినే టాప్ 10 కంట్రీస్ ఏవో తెలిసిపోయింది. ఈ లిస్టు చూస్తే మీరు కచ్చితంగా ఆశ్చర్యపోతారు. అయితే అందులో మన భారతదేశం ఎన్నో స్థానంలో ఉందో తెలిస్తే ఖచ్చితంగా షాక్ అవుతారు. ఆ వివరాలు ఏంటో మీకోసం ప్రత్యేకంగా..
టాప్ 10 మాంసం ఎక్కువగా తినే దేశాలు..
Statista, World Population Review & Our World in Data వంటి అంతర్జాతీయ వనరుల ఆధారంగా 2024 వరకు అందుబాటులో ఉన్న వివరాల ప్రకారం.. ప్రతి వ్యక్తి వార్షిక మాంసం వినియోగం పరంగా టాప్ 10 దేశాలు ఇవే..
1.హాంకాంగ్..
హాంకాంగ్ మాంసం వినియోగంలో ప్రపంచంలో అగ్రస్థానంలో ఉంది. ఇక్కడ ఒక్కో వ్యక్తి సంవత్సరానికి సగటున 170 కిలోలకుపైగా మాంసం తీసుకుంటారు. బీఫ్, పోర్క్, చికెన్, సీఫుడ్ వంటకాలు రోజువారీ ఆహారంలో భాగంగా ఉంటాయి.
2.ఐస్లాండ్..
ఐస్లాండ్లో చల్లటి వాతావరణం కారణంగా ప్రోటీన్ అవసరం ఎక్కువగా ఉండటంతో మాంసం ఆహారంలో ప్రధాన భాగమైంది. గొర్రె మాంసం, చేపలు, చికెన్ వంటి వంటకాలు ఎక్కువగా వినియోగిస్తారు.
3.మకావో..
మకావోలో కూడా హాంకాంగ్ తరహాలోనే అధిక మాంసాహారం ఉంది. పంది మాంసం మరియు చికెన్ వంటకాలు ఇక్కడ ప్రజల ప్రియమైన ఆహారం.
4.లిథువేనియా..
ఇటీవల వచ్చిన ఒక నివేదిక ప్రకారం లిథువేనియాలో 96% మంది ప్రజలు రోజూ మాంసం తింటారని చెప్పబడింది. పోర్క్, బీఫ్, చికెన్ వంటివి వీరి రోజువారీ భోజనంలో ముఖ్యమైనవి.
5.అర్జెంటీనా..
అర్జెంటీనా ప్రజలు గోవు మాంసాన్ని అత్యధికంగా వినియోగిస్తారు. ప్రతి వ్యక్తి ఏడాదికి సగటున 110 కిలోలకుపైగా మాంసం తీసుకుంటారని గణాంకాలు చెబుతున్నాయి.
6.ఆస్ట్రేలియా..
ఆస్ట్రేలియాలో బీఫ్, లాంబ్, చికెన్, ఫిష్ వంటి మాంసాహారం విస్తృతంగా వినియోగిస్తారు. అధిక ఆదాయం, జీవనశైలి కారణంగా ఇక్కడ మాంసం ప్రధాన ఆహారంగా ఉంది.
7.న్యూజీలాండ్..
మటన్, బీఫ్, ఫిష్ వంటి వంటకాలతో ప్రసిద్ధి పొందిన న్యూజీలాండ్ కూడా మాంసం వినియోగంలో అగ్రదేశాల్లో ఒకటి. పశుసంవర్ధక వ్యవసాయం ఇక్కడ ముఖ్యమైన రంగం.
8.అమెరికా సంయుక్త రాష్ట్రాలు..
అమెరికన్లు మాంసం లేకుండా భోజనం చేయడం అరుదు. బర్గర్లు, స్టేక్స్, బేకన్ వంటి వంటకాలతో మాంసం అక్కడి ఆహార సంస్కృతిలో అంతర్భాగమైంది. ఒక్కో వ్యక్తి సగటున ఏడాదికి 110 కిలోలకుపైగా మాంసం తింటారు.
9.స్పెయిన్..
యూరోపియన్ దేశాల్లో స్పెయిన్ కూడా మాంసాహార వినియోగంలో ముందంజలో ఉంది. పోర్క్, చికెన్, సీఫుడ్ వంటకాలు స్పానిష్ వంటల ప్రాణం.
10.ఇజ్రాయెల్..
ఇజ్రాయెల్లో సాంప్రదాయిక వంటకాలతో పాటు, మాంసాహారం విస్తృతంగా ఉంటుంది. ముఖ్యంగా చికెన్, టర్కీ, బీఫ్ వంటకాలు ప్రజల్లో ప్రాచుర్యం పొందాయి.
భారతదేశం ఎన్నో స్థానం అంటే..
భారతదేశం ఈ లిస్టులో చాలా వెనుక ఉంది. దానికి ప్రధాన కారణాలు మతపరమైన, సాంస్కృతిక, ఆర్థిక అంశాలని భావిస్తున్నారు. హిందూ సంప్రదాయాలు, జైనమతం, బౌద్ధమతం వంటి మతాలు శాకాహారానికి ప్రాధాన్యత ఇస్తాయి. అంతేకాకుండా గ్రామీణ ప్రాంతాల్లో మాంసం ధరలు ఎక్కువగా ఉండటం కూడా వినియోగాన్ని తగ్గిస్తోందని అంచనా వేస్తున్నారు. Statista డేటా ప్రకారం భారతదేశంలో సుమారు 53% మంది మాత్రమే మాంసం తింటారు, మిగిలిన వారు పూర్తిగా శాకాహారం లేదా వీగన్ జీవనశైలి పాటిస్తున్నారు.
మరోవైపు ఇందుకు పూర్తి భిన్నమైన పరిస్థితి ఆఫ్రికా, దక్షిణాసియా, డెమొక్రటిక్ రిపబ్లిక్ ఆఫ్ కాంగో, బంగ్లాదేశ్ దేశాల్లో నెలకొంది. ఈ ప్రాంతాల్లో మాంసం ధరలు అధికంగా ఉండటం, సాంస్కృతిక కారణాల వల్ల దాని వినియోగం చాలా తక్కువగా ఉంది.
Click it and Unblock the Notifications
Sign in with Google