Total Solar Eclipse: విమానంలో నుంచి సంపూర్ణ సూర్యగ్రహణం-ఐఎస్ఎస్ నుంచీ- వీడియోలు వైరల్..

ఉత్తర అమెరికాలో ఖగోళ వింతగా భావిస్తున్న సంపూర్ణ సూర్యగ్రహణం కనిపించింది. అమెరికాతో పాటు మెక్సికో, కెనడాలోని పలు నగరాల్లో సూర్యగ్రహణం కనిపించింది. అంతే కాదు అంతర్జాతీయ స్పేస్ స్టేషన్ లో శాస్త్రవేత్తలతో పాటు పలు విమానాల్లో ప్రయాణిస్తున్న ప్రయాణికులు కూడా దీన్ని తమ సెల్ ఫోన్లలో బంధించారు. ఇప్పుడు ఈ దృశ్యాలు వైరల్ అవుతున్నాయి. సంపూర్ణ సూర్యగ్రహణం దాదాపు 4 నిమిషాలకు పైగా సాగింది. దీంతో చంద్రుడు సూర్యుడిని పూర్తిగా కప్పేశాడు.

Total solar eclipse from an airplane looks wildpic.twitter.com/va9vaOK4AF

— John Pompliano (@JohnPompliano) April 8, 2024

ఈ ఏడాది ఖగోళ వింతగా భావించిన సంపూర్ణ సూర్యగ్రహణాన్ని తిలకించే అదృష్టం ఉత్తర అమెరికా వాసులకు మాత్రమే కలిగింది. దీంతో వారు ఆ అరుదైన ఘటన కోసం కళ్లు కాయలు కాసేలా ఎదురుచూశారు. అనుకున్న క్షణం రానే వచ్చింది. దీంతో ఎవరికి వారు సెల్ ఫోన్లలో ఈ అరుదైన గ్రహణాన్ని బంధించేందుకు పోటీ పడ్డారు. దీంతో ఈ ఫోటోలు, వీడియోలు ఇప్పుడు నెట్టింట వైరల్ అవుతున్నాయి.

Ever seen a total solar #eclipse from space?

Here is our astronauts' view from the @Space_Station pic.twitter.com/2VrZ3Y1Fqz

— NASA (@NASA) April 8, 2024

ఉత్తర అమెరికాలో సంపూర్ణ సూర్య గ్రహణాన్ని దాదాపు పది మిలియన్ల మంది ప్రజలు వీక్షించారని అంచనా. చంద్రుని నీడ స్థానిక కాలమానం ప్రకారం ఉదయం 11:07 గంటలకు (1807 GMT) మెక్సికోలోని పసిఫిక్ తీరాన్ని పూర్తిగా అంధకారంలోకి నెట్టింది, ఆపై సూపర్సోనిక్ వేగంతో అమెరికా అంతా వ్యాపించింది. కెనడాలోని అట్లాంటిక్ తీరం మీదుగా కేవలం గంటన్నరలోపు సముద్రానికి తిరిగి వచ్చింది.

English summary

most of the cities across US, Canada and mexico plunged into darkness as a total solar eclipse crossed north america on monday.